Read dhopadhola Zabuli 146 Bible Online

Zabuli 146 - dhopadhola bible

Zabuli 146

¹Pak Rwoth! Adundo paran, pak Rwoth!

²Alapako Rwoth tekin fodi akwo; alawero pak ri Were kafodi aywe.

³Wikiri wikethi geno mewin i jodhum, i wod dhano, ma kony ongoye bonge.

⁴K'omay luya to dok i piny pere; i ndelo no won, can pere je sika woko.

⁵Jakisangala a ŋata kony pere obedo Were pa Yakobo, ŋata geno pere nitie i Rwoth Were pere,

⁶m'ocweyo polo gi piny, nam gi gimoro je manitie i jo; ŋata kuro yeyo cil gi cil.

⁷Go timo tiro ri jom'idiyo, to miyo cemo ri joma kec neko, Rwoth gonyo jom'otwey.

⁸Rwoth yawo waŋ joma waŋ gin otho. Rwoth tiŋo malo joma jopodho, Rwoth omaro joma timo gim'otire.

⁹Rwoth kuro jopath, go konyo citho gi nyithindho kic; to yo pa jakidakana go sika woko.

¹⁰Rwoth ladhumo cil gi cil, Were perin, awi Zayon, tundo i luse je. Rwoth wopak!