Read dhopadhola Zabuli 16 Bible Online

Zabuli 16 - dhopadhola bible

Zabuli 16

¹Awi Were, kwonga an, kole apondo i in.

²Awaco ri Rwoth ni, “Ibedo Rwoth paran, angoye gi bero kwanyo woko in.”

³Paka ri ji pa Were ma jonitie i piny, jo ama jonitie gi dwoŋ mar'adieri m'aworo.

⁴Jono ma joyero were man, jomedo rem pajo. Akibino kidho i cowirok pajo, kosa tuco nyingi jo gi dhokan.

⁵Rwoth, in kende a gim'anitie gine, aka miyan kisi gim'ayenyo, kwo paran ma yuwiye nitie i cingin.

⁶Nga mic perin ran ma gir'aura, nga jober!

⁷Apako Rwoth ma miyan rieko, aka cunyan gwokan wor.

⁸Noknok aŋeyo nike Rwoth nitie kodan, go nitie cegin, aka ongoye gima yengan.

⁹Riameno cunyan yodere, aka adundo paran fore awinjo ni anitie i siem,

¹⁰kwoŋbedo ikiweyan kadho i piny pa jom'otho, kosa ikibino weyan neno bur.

¹¹Ibino nyuthan yo ma kelo kwo, kisangala opoŋ ruwaŋin, aka cingin maracuc kelo kisangala ma cil gi cil.