Read dhopadhola Zabuli 24 Bible Online

Zabuli 24 - dhopadhola bible

Zabuli 24

¹Piny gi kisi gima nitie i iye obedo apa Rwoth. Piny gi ji ma jobedo i iye obedo apa Rwoth.

²Kole Rwoth ogeto piny i wi nam, aka ogeto kinde mere i wi wakawaka madongo.

³Ŋa ma bino idho tendere pa Rwoth? Ŋa ma bino cungo i ot pere maleŋ?

⁴Ŋata cinge olony aka cunye cil, ŋata kilam cal, kosa kitim cikirok ma twodo.

⁵Ŋato bino nwaŋo silwany wok bongi Rwoth, aka Were bino waco ni go bubanja.

⁶Meno a luse ji ma jorango go, ma jobino ruwaŋ Were pa Yakobo.

⁷Yaw waŋkace, yaw win thigin macene, aka kere madwoŋ wodonji.

⁸Kere madwoŋ me a ŋa? Obedo Rwoth, go tek aka jameni, Rwoth, maloyo lweny.

⁹Yaw win waŋkace, yaw win thigin macene, ŋey kere madwoŋ wodonji.

¹⁰Kere madwoŋ me a ŋa? Obedo Rwoth pa lwak jolweny, go kere madwoŋ.