Read dhopadhola Zabuli 30 Bible Online

Zabuli 30 - dhopadhola bible

Zabuli 30

¹Abino pakin, Rwoth, kole ibothan, aka ikiweyo jokwor paran jowonyeran.

²Awi Rwoth Were paran, aywak rin ri kony, aka itieko cango two paran.

³Ibothan donjo i bur, oyido acegin tho, to, idwoko kwo paran.

⁴Wer win wer ma pak ri Rwoth, ji pere ma jor'adieri! Poyi win gima Ŋataleŋ otimo, aka foy win go!

⁵Nge pere cek, to bero pere bedo i hongo je. Ywak yware wor gipi, to kisangala bino odikin.

⁶Oyido akidew aka awaco ni, “Akibino yengirok.”

⁷Oyido iber ran Rwoth, ikwonga an paka got matek. T'ipondo ran, aka abwok.

⁸Aywak rin Rwoth, akwayin kony:

⁹“Inolimi aŋo wok kwoŋ tho paran, k'adonjo i bur? Jom'otho bende jonyalo pakin? Jonyalo tuco adieri perin?

¹⁰Winjan Rwoth, aka imaki kodan wor! Konyan, Rwoth!”

¹¹Iwiro kumo paran i miel ma siemirok, ikwanyo woko rem paran, t'ithokan gi kisangala.

¹²Ameno akibino liŋ, abino wero wer ma pak rin. Rwoth, in Were paran, abino foyin cil gi cil.