Read dhopadhola Zabuli 41 Bible Online

Zabuli 41 - dhopadhola bible

Zabuli 41

¹Jasilwany a ŋata dewo kwoŋ jocandi, Rwoth bino botho go i hongo ma teko.

²Rwoth kwonga go aka kuro go makwo, ilwoŋo go ni jasilwany i piny, aka Rwoth kijwangi go i mito pa jokwor pere.

³Rwoth bino konyo go ka go two, aka bino cango two pere.

⁴Paka ri an, awaco ni, “Awi Rwoth, tim kodan wor, both two paran, kole atimo reco kwoŋin.”

⁵Jokwor paran joluwo gimarac kwoŋan, jomitan atho ŋey nyingan worere.

⁶Aka ka moro obino nenan, luwo wac koyo, cunye coko wac marac kwoŋan, aka kadho waco kisi kamoro.

⁷Jono ma jodakan je jomwoŋo kwoŋan, jomito ran raco.

⁸Jowaco ni, “Go two swa, koay wok i kanindo pere kendo.”

⁹Kiri mere paran ma kacunyan m'ageno, m'oyido cemo kodan, je owire ran.

¹⁰Maki kodan wor, Rwoth, icangi two paran, aka abino culo kwor kwoŋ jokwor paran.

¹¹Gi gime abino ŋeyo ni isangala kodan, aka jokibino lacan.

¹²Ibino konyan kwoŋbedo atimo gim'otire, ibino kuran ruwaŋin cil gi cil.

¹³Pak win Rwoth, Were pa Isiraili! Pak go pama gi cil gi cil! Ameno! Ameno!