Read dhopadhola Zabuli 48 Bible Online

Zabuli 48 - dhopadhola bible

Zabuli 48

¹Rwoth dwoŋ aka iripo pako go malo swa, i tindi madwoŋ pa Were, got pere maleŋ.

²Zayon, oŋawere maŋon, obedo kisangala pa piny gibe, tindi madwoŋ pa kere madwoŋ.

³I kapondo pere, Were onyutho ni go obedo kapondo matek.

⁴Kole neni, kerin jocokere, jobino monjo got Zayon.

⁵Tekin joneno, jodhier; jobedo gi lworo to joringo.

⁶Jokirin kenyo, paka dhako macegin nywol,

⁷paka mel ma witere i koyo mager.

⁸Paka watieko winjo, bende watieko neno i tindi madwoŋ pa Rwoth pa lwak jolweny, i tindi madwoŋ pa Were mawan, ma Were kwonga cil gi cil.

⁹Watieko paro kwoŋ mar perin makiwire, Awi Were, i ot perin.

¹⁰Paka nyingin nitie, Awi Were, apaka ipakin tundo i gike piny. In idhumo gi tiro.

¹¹Weyi ji ma Zayon jowosangala, weyi ji ma Yuda jowosangala, kwoŋbedo ithumo banja gi tiro.

¹²Ji pa Were, woth withok Zayon, wikwan acurcur mere.

¹³Winen kor ot mere aka wikaŋasa kapondo mere, ŋey wiwaci ri luse ma luwo,

¹⁴ni me Were, Were mawan cil gi cil Go latelo wan cil gi cil.