Read dhopadhola Zabuli 75 Bible Online

Zabuli 75 - dhopadhola bible

Zabuli 75

¹Wafoyin, Awi Were, wafoyin; walwoŋo nyingin to watuco tim ma gir'aura perin.

²Were waco ni, “I hongo ma ripo m'ayiko, alathumo banja gi wor.

³Ka piny oyengere, to cwec mere bende jokirin, an aŋat'amiyo sirin mere cungo matek.

⁴Awaco ri jodelok ni, ‘Wikiri widele.’ Gi ri jokidakana ni, ‘Wikiri wipakere.’

⁵Wikiri wipakere, kosa wiluw gi kwoto.”

⁶Kole k'obedo yuwok ceŋ kosa yupodho ceŋ, kosa yupiny madwoŋ wok'iye,

⁷to Were am'obedo jathum banja, go ama dwoko piny ŋatimoro to tiŋo malo ŋatiman.

⁸Kole i cingi Rwoth nitie kikopo, gi vini ma walo ma nge pere, m'oruw maber; go konjo woko, aka jokidakana ma piny, jolacwiyo to lokere thiŋ.

⁹To alafore cil gi cil, alawero wer ma pak ri Were pa Yakobo.

¹⁰Go ladwoko piny jokidakana je, to tiŋo malo jom'otire.