Read dhopadhola Zabuli 81 Bible Online

Zabuli 81 - dhopadhola bible

Zabuli 81

¹Wer malo ri Were m'obedo meni mawan, koki gi kisangala ri Were pa Yakobo.

²Caki wer, aka goy sasi, goy wer mamit gi dongo gi tongol.

³Kudhi gwara i dwe manyen, i ndelo mawan ma kalima.

⁴Kole me obedo cik i Isiraili, cik m'owok bongi Were pa Yakobo.

⁵Go omiyo Joisiraili, munyo go omonjo lowo ma Misir. Awinjo dwondi m'oyido fodi akuya waco ni,

⁶“Akwanyo bieto mewin wok i dieŋey win, aweyo win ketho piny mugugu ma matafal.”

⁷Munyo oyido winitie i kidamba, abotho win; adwoko win ka nyaliŋliŋ i mor koth. Atemo win i waŋ pi ma Meriba.

⁸Winji win, ji paran, agwoko win, Isiraili, ka bedi nende oyido wiwinjan ye!

⁹Wikiripi lamo were man.

¹⁰An abedo Rwoth, Were mewin, m'owodho win wok i Misir. Yaw win dhok win malac, aka abino pidho win.

¹¹“To ji paran jok'owinjan, Isiraili k'oluwo cik paran.

¹²Ameno aweyo jo luwo yo pajo ma wictek, gi timo gima joyenyo.

¹³Kabedi nende ji paran oyido jowinjan, ka bedi nende oyido joluw cik paran!

¹⁴Dinyo akengila jokwor pajo piyo, t'amako jo.

¹⁵Jono ma jodakan dinyo jokule ruwaŋan gi lworo, dinyo gir'acula pajo obedo cil gi cil.

¹⁶Dinyo apidho win gi ŋano m'onuŋere to ayeŋo win gi mo kic ma tele.”