Read dhopadhola Zabuli 83 Bible Online

Zabuli 83 - dhopadhola bible

Zabuli 83

¹Awi Were, ikir'iliŋaliŋa, ikir'imwole, kosa ikudere.

²Kole neni, jokwor perin jogwenyere, aka jono ma jodakin jotiŋo wiy gin malo.

³Jotimo can manyaliŋliŋ kwoŋ ji perin, aka jotesa ri ji m'ikwonga.

⁴Jowaco ni, “Biye win warey woko piny pajo, ŋey wokiri wopoy Isiraili kendo.”

⁵Joyere i can pajo, aka joriwere lweny kodin.

⁶Joedom, gi Joisimayili, Jomowab gi Johagrit,

⁷Jogebal, Joamon, gi Joamalek, Jofilistia gi Jotire.

⁸Asiria bende oriwere gi jo jobedo jolweny matek pa nyikway Loti.

⁹Tim rijo gim'imito ri Jomidian, paka itimo ri Sisera gi Yabin i malawa Kison.

¹⁰Ikengila jo i Endor, aka delkwoŋ gin otopo piny.

¹¹Tim ri jotel pajo gim'itimo ri Oreb gi Zebi, kengila jodhum pajo je paka itimo ri Zeba gi Zalmuna,

¹²ma jowaco ni, “Walunji riwan wegi, lowo m'obedo apa Were.”

¹³Kedhi jo paka fukefuke, Awi Were, paka cuŋ ma koyo kudho woko.

¹⁴Paka mac waŋo lul, paka cuk cwinyo gote,

¹⁵riemi jo woko g'asur perin, aka ibwoki jo gi koyo perin mager.

¹⁶Awi Rwoth, umi waŋ gin giwickwot, aka miy jowoyey meni perin.

¹⁷Weyi wokengila jo aka wobwoki jo cil gi cil, weyi jowotho i wickwot.

¹⁸Weyi jowoŋey ni in kende Awi Rwoth, ibedo jadhum madwoŋ loyo i piny gipi.