Read dhopadhola Zabuli 85 Bible Online

Zabuli 85 - dhopadhola bible

Zabuli 85

¹Rwoth, oyido imako wor gi lowo perin, imiyo Isiraili kiyindira.

²Itieko cwako reco pa ji perin, gi komo pajo.

³Iweyo mako nge gi jo, aka idhumo keme perin.

⁴Dwoki wan kendo, Awi Were jaboth mawan, aka weyi winjo marac gi wan!

⁵Inomaki gi wan nge cil gi cil! Nge perin k'orumi?

⁶Loki wan matek kendo, ŋey wan ji perin, wanyal pakin.

⁷Nyuthi wan mar perin makiwire, Awi Rwoth, aka miy wan both perin.

⁸Weyi awinji gima Rwoth Were bino waco, kole go ciko siem ri ji pere won, ka jok'ogik i yo pajo ma miŋo.

⁹Adieri go oyikere botho jono ma jobwonere rigo, ŋey dwoŋ pere wobedi i lowo mawan.

¹⁰Mar makiwire g'adieri jobino romo, timo gim'otire gi siem jolapodho akor.

¹¹Adieri bino wok piny, aka timo gim'otire bino ŋiyo piny wok i polo.

¹²Rwoth bino miyo wan gimaber, aka lowo mawan bino nyak ranyak m'owega.

¹³Timo gim'otire bino wotho ruwaŋ Rwoth, to yiko rigo royo.