Read dhopadhola Zabuli 96 Bible Online

Zabuli 96 - dhopadhola bible

Zabuli 96

¹Wer ri Rwoth wer manyen, wer ri Rwoth piny gibe!

²Wer ri Rwoth, pak nyingi go, luw kwoŋ both kisi ndelo.

³Tuci dwoŋ pere ri nonin, gi tim pere ma meni ri ji je.

⁴Kole Rwoth dwoŋ, aka iripo pako go gi pak ma malo, iripo bwonirok rigo loyo werin je.

⁵Kole werin pa nonin je jobedo nyaka cal, to Rwoth ocweyo polo.

⁶Dwoŋ gi dhum othoko go, meni gi ŋono opoŋ i Ot pere.

⁷Pak win Rwoth ji je ma i piny, pak win dwoŋ gi meni pere.

⁸Miy win Rwoth dwoŋ ma ripo gi nyingi go, keli win mic aka wibin i Ot pere.

⁹Kule win piny ruwaŋ Were Jamalo Swa ka go onenere, kirin win ruwaŋ go piny gibe.

¹⁰Waci ri nonin je ni, “Rwoth obedo Kere! Piny okethi m'ocwiny ma kinyal yengirok, go bino thumo ri ji banja gi tiro.”

¹¹Weyi polo wosangala, aka weyi piny wofore, nam gi cwec mere je jowohola,

¹²weyi ndelin gi cemo mere jowosangala. Yen ma lule jobino koko ri kisangala,

¹³ka Rwoth obin dhumo piny. Go bino thumo banja ri piny je, gi tiro kodi adieri pere.