Read dhopadhola Agecin 11 Bible Online

Agecin 11 - dhopadhola bible

Agecin 11

¹Latir ma twodo obedo amien ri Rwoth, to latir m'otire obedo yodirok pere.

²Ka noro obino, kenyo wickwot bende bino gine, to rieko nigi jomamwol.

³Bero pa jom'otire thielo jo, to jobanirok jorere gi banirok pajo.

⁴Ŋaŋo kikony i hongo ma keme, to timo gim'otire botho kwo.

⁵Timo gitiro pa joma bubanja miyo jo bedo maber, to jokidakana jopodho gi kidakana pajo won.

⁶Timo gitiro pa joma timo adieri botho jo, to jobanirok imako jo i woro pajo.

⁷Ka jakidakana otho, geno pere rere, aka geno pa ji ma bu Were bende rere.

⁸Jom'otire ibotho jo i hongo ma teko, aka jokidakana jopodh'iye ayino.

⁹Ji ma bu Were jonyalo kisika woko wadi jo, to jom'otire jogonyere ro bedo gi ŋeyo.

¹⁰Ka gigipiny kadho maber ri jom'otire, tindi fore, to ka jokidakana jorere, bedo woy ma kisangala.

¹¹Tindi lokere madwoŋ gi silwany pa joma timo adieri, to sika woko gi dhok jokidakana.

¹²Ŋata cayo nyawote meno ŋatamiŋ, to dhano mariek liŋ.

¹³Jawaci nyingi wadi kedho nyaliŋliŋ, to ŋata genere i cuny kano nyaliŋliŋ.

¹⁴K'ongoye ŋata waco ri ji gimaber atima, ji jopodho, to loyo bedo i dier jomic rieko kweth.

¹⁵Cungo ri jakicar ka kopa pesa kelo teko, to ber k'ikwero timo ameno.

¹⁶Dhako ma jawor limo dwoŋ, to dhako ma dak kula maber jalifol. Jomanyap jokibedi gi pesa, to jokinen jolaŋanjo.

¹⁷Joma jokisa jomiyere kemba, to jogero jokelo ri kwo pajo teko.

¹⁸Ongoye gima jakidakana limo, to jono ma jocwoyo tiro jolimo kemba.

¹⁹Nyatoro m'ocungi matek i tiro bino kwo, to nyatoro m'omena timo gimarac bino tho.

²⁰Joma jonigi paro m'okom obedo amien ri Rwoth, to jono ma jotimo gim'otire josangala go.

²¹Aridho rin ni ilamiyo jokidakana gir'acula, to jono ma jotire jolaboth.

²²Paka peta ma zahabu i um mbiji, apaka dhako maŋon mamiŋ cal.

²³Yenyo pa ŋat'otire kelo bero kende, aka awanya pa jakidakana kelo keme.

²⁴Jomegi jomiyo gi cuny jo maber, kucel jomedo ŋaŋo, joman jodire gi gigipiny pajo, to jolokere jocandi.

²⁵Dhano ma jamiyo ilaloko go ma cwe, aka ŋata miyo pi bende ilamiyo go pi.

²⁶Ji jokwoŋo joma jogwondo, to silwany nitie ri joma jotana cemo.

²⁷Nyatoro ma rango bero rango ŋono, to gimarac yimere kwoŋ ŋata rango.

²⁸Jono ma jogeno i ŋaŋo pajo jolagore piny, to jom'otire jolakilikalika paka lum manyaboke pendi.

²⁹Jono ma jokelo teko ri jopeco pajo jolalunjo koyo, aka ŋatamiŋ labedo ŋeca pa jarieko.

³⁰Olemo pa ŋat'otire miyo kwo, t'akaka reyo woko kwo.

³¹K'imiyo jom'otire kemba i piny ka, adieri ocul jokidakana gi joreco didi!