Read dhopadhola Agecin 2 Bible Online

Agecin 2 - dhopadhola bible

Agecin 2

¹Nyathi paran, k'inowinji wac paran, t'itero or paran paka gima dicwe i in.

²K'inociki ithin ri rieko, t'iyawo adundo perin niaŋ,

³k'inorangi bero, t'ilwoŋo niaŋ,

⁴k'inodwar go paka feza, t'idwaro go paka gima dicwe m'opondo,

⁵nyaka ibino niaŋ dwoŋ ma lworo Rwoth, t'inwaŋo ŋeyo Were.

⁶Kole Rwoth ama miyo rieko, wok i dhok go ŋeyo gi niaŋ jobino.

⁷Go kano rieko manyakare ri joma timo gim'otire, go obedo kwot pa ji ma bubanja.

⁸Go kuro jono ma jotimo bero ri wadi gin, aka lithi gi jono ma jomaro go.

⁹Ka winowinjan, nyaka wilaniaŋ timo gim'otire, tiro gi bero, wilaŋeyo gima wiripo timo.

¹⁰Wilabedo gi rieko iy'adundo mewin, aka ŋeyo mewin lamiyo win kisangala.

¹¹Adieri mewin lakuro win, to niaŋ kwonga win.

¹²Bino botho win kwoŋ timo gimarac, kwoŋ jono ma joluwo kicar.

¹³Jono ma joweyo yo m'otire, aka jowotho i yo ma mudho,

¹⁴ma jofore i timo gimarac, aka josiemere i gimiŋo marac,

¹⁵jono ma yo pajo k'otire, aka tim pajo rac.

¹⁶Ibino nyalo ciro dhako ma jakidakana, ma luwere kicar m'otemi dwoŋin gi wac pere mamit,

¹⁷dhako ma wiye wil gi cwore ma soye, wiye wil gi cikirok pa Were pere.

¹⁸K'ikidho i ot pere, meno iwotho i yo ma kidho i piny pa jom'otho.

¹⁹Jono je ma jowendo rigo jokidwoki, jokigiki i yo ma kwo.

²⁰Riameno woth i yo pa ji mabeyo, aka idoŋ i yo pa jom'otire.

²¹Rupiri ji mabeyo jolabedo i piny, aka ji ma bubanja joladoŋ'iye.

²²To jokidakana ilaneko jo woko i piny, t'ifudho woko joreco i iye paka doy.