Read dhopadhola Jafonji 12 Bible Online

Jafonji 12 - dhopadhola bible

Jafonji 12

¹Poyi Jacwec perin i hongo ma soye perin, ka hongo ma teko fodi k'obino, kosa oro m'ilawac'iye ni, “Akiwinji cwe i jo.”

²Kafodi lero ma waŋceŋ, dwe gi micalin k'olokere macol to pondeponde jodwoko gi koth.

³I ndelo ma badin nyapere, m'ikinyal gwokirok, ma lakin ma nyamo cemo jowey tic rupiri jonok, to waŋin ma ŋiyo g'idirisa joneno ma nimnim.

⁴Ithin latho ma winjo koko i royo, aka ikilawinjo derino ma rego, kosa dwondi winyo ma wero.

⁵Ilalworo kabedo mabor, kosa wotho i royo; ye wiyin lalokere matar paka thiw yath nyasi, ikilanyalo ywarok paka otwoŋo. Kwoŋbedo dhano kadho i peco pere ma cil gi cil, aka joywak jolawirin i royo.

⁶Adasa ma feza lacot, kosa acero ma zahabu ŋinyere, kosa t'iŋidho agwata pi i waŋ pi, kosa t'ituro woko tiendi cawila i jwom.

⁷Kenyo fukefuke lagik i lowo paka con, to cuny gik bongi Were m'omiyo go.

⁸Pilok, je pilok, Jafonji waco, gimoro je pilok.

⁹Ibedo mariek, Jafonji bende ofonjo ji ŋeyo, opima, orango to cano maber agecin kweth.

¹⁰Jafonji orango nwaŋo wac ma yere, aka gim'ondiki oyido otire, wac mar'adieri.

¹¹Wac pa dhano mariek cal asanda, gi paka musumalere ma jodongo m'orwaki ma kiyengere, obedo luwo m'ocoki ma wok bongi jakwath rombo acel.

¹²Kwoŋ gimoro je loyo me, awi nyathi paran, gwokere. Ndiko kitawin kweth, ongoye gike mere, aka kisoma m'oasere loco delkwoŋ.

¹³Me gike ma wac, kisi gimoro je otiek winjo. Lwor Were, aka ikuri or pere, kole me gima ji je joripo timo.

¹⁴Kole Were lathumo banja ri kisi tim je, gi kisi gimoro je m'opanere, obedi maber kosa marac.