Read dhopadhola Wer pa Solomon 3 Bible Online

Wer pa Solomon 3 - dhopadhola bible

Wer pa Solomon 3

¹I kanindo paran wor, adwaro ŋata cunyan mito, adwaro go, t'akinwaŋo go.

²Aay t'akidho i tindi madwoŋ, i royo gi kam'othangere, dwaro ŋata cunyan mito, adwaro go, t'akinwaŋo.

³Jokur jonwaŋan, munyo jowaya i tindi madwoŋ, aka apenjo jo ka joneno ran ye ŋata cunyan mito.

⁴Tekin akalo jo, t'anwaŋo ŋata cunyan mito. Amako go, aka akiweyo go kadho, cuka atero go i ot pa mama, i kisika kam'anywol'iye.

⁵Cikan win, awi nyir ma Yerusalem, kwoŋere ran win g'apol kodi rudina, ni wik'oriwere i mitirok mawan.

⁶Aŋo no ma bino malo wok i thim, paka tome yiro, ŋwe buban gi mo akudha, mo ma moko ma jomitan jotana.

⁷Neni, manago obedo kitanda pa Solomon, jolweny piero aucel matek jothoko, cwo matek i Isiraili.

⁸Joje jotiŋo abore, aka jobedo jolweny matek. Kisi dhano otweyo abor pere i eme, ka jokuro monjo wor.

⁹Kere Solomon oyiko kitanda pere, gi mbawo ma Lebanon.

¹⁰Go otimo miango mere gi feza, dieŋeye mere ma zahabu, aka muto mere obedo ma rangi ariŋo.

¹¹Nyir ma Yerusalem, wok win winen, kere Solomon oruko sangaria pere, ma yokimere oruko rigo i wiye. I ndelo ma go otim'iye kalima ma nywomirok maleŋ, i ndelo ma kisangala ma cunye.