Read dhopadhola Wer pa Solomon 6 Bible Online

Wer pa Solomon 6 - dhopadhola bible

Wer pa Solomon 6

¹Jamitirok perin okadho kune, awi nyako maŋon loyo mon je? Jamitirok perin okadho i yo mene, ŋey wanyal rango rin go?

²Jamitirok paran okadho i ndelo pere, kama yen maŋwe kur jodong'iye. Go pidho mwendi pere i ndelo, aka coko mawuwa m'ilwoŋo ni lili.

³Jamitirok paran obedo aparan, aka an abedo apere, go pidho mwendi pere i dier mawuwa m'ilwoŋo ni lili.

⁴Jamitirok paran, iŋon paka tindi madwoŋ Tiriza, iŋon paka Yerusalem, aka ŋono perin turo cuny jo.

⁵Kwany woko waŋin kwoŋan, kole jobwokan! Ye wiyin cal yer diegi, ma joloro piny wok wi tendere Giliad.

⁶Lakin tar paka sidwol rombo, ma nyaka jowok lwoki. Ongoye kwoŋ jo ma rem, kisi moro nigi nyawote.

⁷Pindin cal pomo m'obar diere, yuŋey katimba perin.

⁸Kere bedo gi nyamicalin piero aucel, kodi mon ma thenge piero aboro, nyir ma kikwanere.

⁹To an amito jamitirok paran kende, go ŋon paka akuru. Go obedo nyar yokimere kende, nyar yokimere ma kacunye. Mon je joŋiyo go to jopako go, nyamicalin kodi mon ma thenge jowero ka jopako go.

¹⁰Me ŋa maler paka ŋamba ma riedo? Go ŋon paka dwe, aka ler paka ceŋ maliel, aka ŋono pere turo cuny jo.

¹¹Atieko loro piny i ndelo segonya, ŋiyo thiwo ma milelo, neno ye ka vini lothi, gi ka pomo likalika.

¹²Mafodi akiŋeyo mito paran oywayan, i cawila kabuti wod kere paran.

¹³Dwoki, dwoki, awi nyako ma wok Sulam, dwoki, dwoki, ŋey wanyal nenin. Raŋo wimito nenan, an nyako ma wok Sulam, k'amielo i dier lwak ji?