Read dhopadhola Wer pa Solomon 7 Bible Online

Wer pa Solomon 7 - dhopadhola bible

Wer pa Solomon 7

¹Nga tiendin ŋon i war, awi nyar kere. Emin m'oŋinere cal thiwino, ma jandijo otimo.

²Pendin cal acero ma nyaraunda, ma vini kirum'iye. Iyin cal kidhur ŋano, ma mawuwa m'ilwoŋo ni lili thoko.

³Thundho perin cal apol ario, paka rudina ario.

⁴Ŋutin cal acurcur ma lak liec, waŋin cal kidiwa i tindi madwoŋ Hesbon, i thengi waŋkac ma Bathrabim. Umin cal acurcur ma Lebanon, ma ŋiyere gi Damasiko.

⁵Wiyin otire paka got Kamel, ye wiyin minyin paka nanga mafoth, ŋono mere mako waŋ kere.

⁶Nga iŋon, aka iber anena, awi ŋat'omar, nyar kere m'ayodere gine.

⁷Idongo paka thith, aka thundho perin cal kayego mere.

⁸Alaidho i wi thith, t'afono amalagejo. Weyi thundho perin wocale ran kayego nyingi vini, aka luya perin paka ŋwece kur p'olemo m'ilwoŋo ni apo.

⁹Dhokin mit paka vini mandiko. Weyi vini womol ri jamitirok paran, womol i dhoke gi lake.

¹⁰Abedo apa jamitirok paran, aka go gomba an.

¹¹Biye, jamitirok paran, weyi wakidhi kam'othangere, aka wanindi i calin.

¹²Weyi wamondi kadho i ndelo vini, aka wanen ka yen vini joloth. Wanen ka joguro madut, gi ka pomo likalika.

¹³Yen ma mitirok joŋwe kur, aka olemo mabeyo je jonitie i dhiot mawan, manyen gi m'oti je m'atieko kano rin, awi jamitirok paran.