Read dhopadhola Isaya 15 Bible Online

Isaya 15 - dhopadhola bible

Isaya 15

¹Me mikwenda ma teko ma mako kwoŋ Mowab. Osika woko Ar ma Mowab, orey woko wor, osika woko kiri Mowab, orey woko.

²Ji je ma Dibon jokadho malo, i kitipa pa jom'oyeyo ywak, ri Nebo gi Medeba. Mowab ywak, Wi kisi dhano odoŋ pata, ye tik jo je oliel.

³Joruko kutiya, i wi udi gi i royo, kisi dhano ywak gi geregere mathoth.

⁴Wok i Hesbon tundo i Eliale, dwondi jo winjere tundo bor kiri i Jahaz. Riameno jolweny ma Mowab jokoko, adundo pere kirin.

⁵Cunyan ywak ri Mowab, ji pere joringo i Zowar, gi Egilath Selisiya. Joywak malomalo i yo, ka jokadho i tindi Luhith; i royo ma kadho Horonayim, jotiŋo malo ywak ma rerok.

⁶Pi ma Nimrim, othwo woko, lum othwo, aka kilothi, ongoye gima nyaboke pendi.

⁷Riameno lim gibe m'oyido jonwaŋo je, gi m'oyido jocoko, itiŋo woko, kalo milelo ma Wilo.

⁸Kole ywak owinjere, thoko adec ma Mowab. Ywak winjere kiri i Egilayim, tundo kiri i Berelim.

⁹Kole pi ma Dibon opoŋ gi remo, kucel alakelo kiri madwoŋ loyo kwoŋ Dibon, simbwor ri jono ma jokwale wok i Mowab, ri jom'oboth i piny.