Read dhopadhola Yeremia 45 Bible Online

Yeremia 45 - dhopadhola bible

Yeremia 45

¹Me wac pa Rwoth ma Yeremia jatuci wac Were owaco ri Baruk wod pa Neria, kareno Baruk ndiko i kitawo m'omin, ka Yeremia duma rigo. Oyido obedo oro mar'aŋwen ma dhum pa kere Yehoyakim wod pa Yosia ma Yuda.

²Me apaka Rwoth waco, Were pa Isiraili waco rin, Awi Baruk:

³Iwaco ni, “Kidamba ran! Rwoth otieko medo rem i wi litho paran, anyocere gi ywak paran, aka angoye gi ywomirok.”

⁴Waci ri Baruk ni, “Me apaka Rwoth waco, akidho turo piny gim'atieko geto, t'afudho woko gim'atieko pidho; meno piny me gibe.

⁵To in, idwaro gimadwoŋ ri in won? Ikir'idwar jo; kole akidho kelo teko kwoŋ kwo je, Rwoth waco; to alamiyin kwo perin paka cul ma lweny i kabedo je m'inokadh'iye.”