Read dhopadhola Kwan 2 Bible Online

Kwan 2 - dhopadhola bible

Kwan 2

¹Rwoth oluwo gi Musa kodi Aron ka waco ni:

²Joisiraili jobino ketho kambi pajo, kisi acel i kweth pajo, gi ranyuth ma udi pa kwarere pajo; jolacokere ka joŋiyo Wema ma Romo yu kisi thenge.

³Jono ma jolacokere yuthenge ma yuwok ceŋ yu kama waŋceŋ wok'iye labedo jokambi ma kitipin pa Yuda. Jatel pa ji ma Yuda bino bedo Nason wod pa Aminadab,

⁴kanyacel gi kitipa pa ji m'okwan 74,600.

⁵Jono ma jolabedo cegin gine labedo nono pa Isakar. Jatel pa jonono pa Isakar labedo Nethanel wod pa Zuar,

⁶kanyacel gi kitipa pa ji m'okwan 54,400.

⁷Jatel pa jonono pa Zebulun labedo Eliab wod pa Helon,

⁸kanyacel gi kitipa pa ji m'okwan 57,400.

⁹Welo pa ji m'okwan je i kambi pa Yuda, i kitipin pajo, obedo ji 186,400. Jo ama jolacako woth.

¹⁰Yuthenge ma yupiny bino bedo kweth ma kacokirok pa Ruben gi kitipin pajo ma lweny. Jatel pa nyikway Ruben labedo Elizur wod pa Sedur,

¹¹gi kitipa ma ji m'okwan 46,500.

¹²Jono ma jolaketho kambi pajo cegin gine labedo jonono pa Simeo. Jatel pa nyikway Simeo labedo Selumiel wod pa Zurisaday,

¹³gi kitipa ma ji m'okwan 59,300.

¹⁴Ma luwo labedo nono pa Gad aka jatel pajo labedo Eliasaf wod pa Reuel,

¹⁵gi kitipa ma ji m'okwan 45,650.

¹⁶Welo pa ji m'okwan je ma kambi pa Ruben, gi kitipin, obedo 151,450.

¹⁷Wema ma romo, gi kambi pa Jolevi, laay i dier kambin; jolaay tekin jocokere, kisi acel i kabedo pere, gi kweth pajo.

¹⁸Yuthenge ma yupodho ceŋ labedo kweth ma kacokirok pa Efrayim gi kitipin. Jatel pa nyikway Efrayim labedo Elisama wod pa Amihud,

¹⁹gi kitipa pa ji m'okwan 40,500.

²⁰Cegin gine bino bedo nono pa Manase. Jatel ma nono pa Manase labedo Gamaliel wod pa Pedazur,

²¹gi kitipa pa ji m'okwan 32,200.

²²Jatel ma nono pa Benyamin bino bedo Abidan wod pa Gideon,

²³gi kitipa pa ji m'okwan 35,400.

²⁴Welo pa ji je m'ondiki i kambi pa Efrayim, gi kitipin, obedo 108,100. Jolabedo mar'adek ay woth.

²⁵Yuthenge ma yumalo bino bedo kweth ma kacokirok pa Dan gi kitipin. Jatel pa nyikway Dan bino bedo Ahiyeza wod pa Amisaday

²⁶gi kitipa pa ji m'okwan 62,700.

²⁷Jono ma jolabedo cegin gine labedo jonono pa Aser. Jatel pa nyikway Aser bino bedo Pagiel wod pa Ociran,

²⁸gi kitipa pa ji m'okwan 41,500.

²⁹Jatel pa nyikway Nafital bino bedo Ahira wod pa Enan,

³⁰gi kitipa pa ji m'okwan 53,400.

³¹Welo pa ji m'ondiki ma kambi pa Dan obedo 157,600. Jo ama jolaay woth macowe, i kitipin.

³²Me akwan pa ji ma Isiraili gi udi pa kwarere pajo; welo m'ondiki je i kambi gi kitipin pajo obedo 603,550.

³³Paka Rwoth oyido otieko miyo Musa or, Jolevi k'ondiki jo i dier Joisiraili man.

³⁴Joisiraili jotimo paka Rwoth oyido otieko miyo Musa or. Ameno jobedo i kacokirok, to joay i ndelo no won, kisi dhano gi nono pere, cungo kwoŋ udi pa kwarere jo.