Read dhopadhola Kwan 33 Bible Online

Kwan 33 - dhopadhola bible

Kwan 33

¹Me apaka Joisiraili jowok i piny ma Misir i can ma lweny i tel pa Musa kodi Aron.

²Musa ondiko kama joay iye gine, i woth theketheke pajo, paka Rwoth owodho or ri Musa, aka me apaka jowotho.

³Joay gi Rameses k'apar g'abic ma dwe marapena. I ndelo m'oluwo kalima ma Kadho Joisiraili joay gi miseni ruwaŋ Jomisir,

⁴kareno Jomisir joyiko okayin pajo je, ma Rwoth oyido oneko i dier jo. Rwoth othumo banja kiri ri werin pajo.

⁵Joisiraili joay Rameses aka joketho kambi i Sukoth.

⁶Jowok Sukoth, aka joketho kambi i Etham, manitie i gike ma thim.

⁷Jowok Etham, to jowire gik i Pihahiroth, m'otitere gi Balzefon, aka joketho kambi i Migdol.

⁸Jowok i Pihahiroth, joluwo gi Nam M'obokere kiri i thim. Jowotho ma ndelo adek i thim ma Etham, aka joketho kambi i Mara.

⁹Wok i Mara jobino i Elim, aka i Elim oyido nitie waŋ pi apar g'ario kodi yen thith piero abirio, aka joketho kambi kenyo.

¹⁰Jowok i Elim to joketho kambi i thengi Nam M'obokere.

¹¹Jowok i Nam M'obokere aka joketho kambi i thim ma Sin.

¹²Jowok i thim ma Sin aka joketho kambi i Dofika.

¹³Jowok i Dofika aka joketho kambi i Alus.

¹⁴Jowok i Alus to joketho kambi i Refidim, kam'oyido ongoye pi amadha ri ji.

¹⁵Jowok i Refidim to joketho kambi i thim ma Sinai.

¹⁶Jowok i thim ma Sinai to joketho kambi i Kibroth Hatava.

¹⁷Jowok i Kibroth Hatava to joketho kambi i Hazeroth.

¹⁸Jowok i Hazeroth to joketho kambi i Rithma.

¹⁹Jowok i Rithma to joketho kambi i Rimon Perez.

²⁰Jowok i Rimon Perez to joketho kambi i Libina.

²¹Jowok i Libina to joketho kambi i Risa.

²²Jowok i Risa to joketho kambi i Kehelatha.

²³Jowok i Kehelatha to joketho kambi i Got Sefer.

²⁴Jowok i Got Sefer to joketho kambi i Harada.

²⁵Jowok i Harada to joketho kambi i Makeloth.

²⁶Jowok i Makeloth to joketho kambi i Tahath.

²⁷Jowok i Tahath to joketho kambi i Tera.

²⁸Jowok i Tera to joketho kambi i Mithka.

²⁹Jowok i Mithka to joketho kambi i Hasmona.

³⁰Jowok i Hasmona to joketho kambi i Moseroth.

³¹Jowok i Moseroth to joketho kambi i Bene Yakan.

³²Jowok i Bene Yakan to joketho kambi i Hor Hagidad.

³³Jowok i Hor Hagidad to joketho kambi i Yotbatha.

³⁴Jowok i Yotbatha to joketho kambi i Abirona.

³⁵Jowok i Abirona to joketho kambi i Eziongeber.

³⁶Jowok i Eziongeber to joketho kambi i thim ma Zin meno Kades.

³⁷Jowok i Kades aka joketho kambi i Edom.

³⁸Aron jacway ri Were i wi migam oidho wi Got Hor i or pa Rwoth to otho kenyo rumacen ma oro piero aŋwen wok cuka Joisiraili jowok i lowo ma Misir, k'acel ma dwe mar'abic.

³⁹Aron oyido jaoro 123 munyo tho wi Got Hor.

⁴⁰Kere ma Aradi Jakanan, m'oyido bedo yupiny ma lowo ma Kanan owinjo nike Joisiraili oyido jobino.

⁴¹Joisiraili jowok i Got Hor to joketho kambi i Zalmona.

⁴²Jowok i Zalmona to joketho kambi i Punon.

⁴³Jowok i Punon to joketho kambi i Oboth.

⁴⁴Jowok i Oboth to joketho kambi i Iye Abarim, iy'adec ma Mowab.

⁴⁵Jowok i Iye Abarim to joketho kambi i Dibongad.

⁴⁶Jowok i Dibongad to joketho kambi i Almon Diblathayim.

⁴⁷Jowok i Almon Diblathayim to joketho kambi i gote ma Abarim, cegin gi Nebo.

⁴⁸Jowok i gote ma Abarim to joketho kambi i kam'obipere ma Mowab cegin gi Yordan i Yeriko

⁴⁹Joketho kambi cegin gi Yordan wok i Bethyesimoth tundo kiri Abel Sitim i kam'obipere ma Mowab.

⁵⁰Rwoth oluwo gi Musa i kam'obipere ma Mowab i thengi Yordan i Yeriko ka waco ni:

⁵¹“Luw gi Joisiraili, iwaci rijo ni, ka wiŋado Yordan donjo i lowo ma Kanan,

⁵²wiripo riemo woko ji je ma jobedo i lowo no ruwaŋ win, reyo woko cal pajo je ma telin kodi ma nyweny kodi kalamo pajo je manyakafir.

⁵³Wiripo mako lowo no to wibed'iye, kwoŋbedo atieko miyo win lunjo.

⁵⁴Wiripo poko lowo gigoyo kwir cungo kwoŋ nonin mewin. Nonin madongo jolalimo lim madwoŋ, aka nonin mathindho jolalimo lim mathin. Lim labedo apa nono ma kwir opodhi kwoŋe, cungo kwoŋ nonin pa kwarere mewin.

⁵⁵To ka wikiriemo woko ji ma jobedo i lowo no ruwaŋ win, jono ma winowey jo jolalokere riwin cowirok i waŋ win kodi kudhin i ŋeti win. Jolabedo riwin teko i lowo ma wikidho bed'iye.

⁵⁶Kenyo alatimo riwin paka aparo timo rijo.”