Read dhopadhola Kwan 7 Bible Online

Kwan 7 - dhopadhola bible

Kwan 7

¹I ndelo ma Musa oyido otieko timo tabenakulo, aka oyido otieko wiro gi mo to loko maleŋ gi gigipiny mere je, kareno otieko wiro gi mo gi loko maleŋ migam gi gigipiny mere je.

²Kenyo Jotel ma Isiraili, jotel ma udi pa kwarere pajo, jotel ma nonin, ma jocungo ri jom'okwan, jowodho mic.

³Jokelo mic pajo ruwaŋ Rwoth, magal aucel m'oboy gi megikwe apar g'ario, magal acel ri kisi jotel ario, kodi merikwa acel ri kisi acel, jokelo jo ruwaŋ tabenakulo.

⁴Kenyo to Rwoth waco ri Musa ni:

⁵“Jol gigipiny kwoŋ jo wonyali oro ma timo tic ma Wema ma romo, aka kethi i cingi Jolevi, ri kisi acel cungo kwoŋ tic pere.”

⁶Ameno Musa okwanyo magalere kodi megikwe to miyo Jolevi.

⁷Magalere ario kodi merikwa aŋwen go omiyo nyikway Gerisom, cungo kwoŋ tic pajo.

⁸Magalere aŋwen kodi megikwe aboro go omiyo nyikway Merari, cungo kwoŋ tic pajo, japok tic oyido obedo Ithamar wod pa Aron jacway ri Were i wi migam.

⁹To go k'omiyo nyikway Kohath gimoro, rupiri oyido omiyo jo tic ma kikwonga gigipiny maleŋ m'oyido jotiŋo i goki jo.

¹⁰Jotel bende i ndelo m'owir'iye migam gi mo, jokelo mic ri leŋo mere; jotel joketho mic pajo ruwaŋ migam.

¹¹Rwoth owaco ri Musa ni: “Jobino kelo mic pajo, jatel acel ri ndelo acel, ma loko migam maleŋ.”

¹²Ŋat'okelo mic pere i ndelo marapena obedo Nason wod pa Aminadab, janono pa Yuda.

¹³Mic pere obedo sen ma feza ma peko mere oyido timo siringi miya acel gi piero adek. Kalaya acel ma feza ma peko mere obedo siringi piero abirio, cungo kwoŋ pesa ma Kabedo Maleŋ, joje jopoŋ gi moko m'onuŋere m'oruw gi mo ri mic ma kodhi.

¹⁴Sen acel ma zahabu ma peko mere obedo siringi apar, m'opoŋ gi buban.

¹⁵Rwath acel, wod rombo acel, nyathi rombo acel ma jaoro acel, ma mic awaŋa.

¹⁶Wod diel acel ri mic ma cwako reco;

¹⁷kodi ri cowirok ma siem, megikwe ario, wot rombo abic, wot diegi abic, kodi wot rombo abic ma jo oro acel. Me obedo mic pa Nason wod pa Aminadab.

¹⁸I ndelo mar'ario Nethanel wod pa Zuar, jatel pa Isakar, okelo mic.

¹⁹Go okelo mic pere ma sen ma feza acel ma peko mere obedo siringi miya acel gi piero adek, kalaya acel ma feza ma peko mere obedo siringi piero abirio, cungo kwoŋ siringi ma Kabedo Maleŋ. Joje oyido jopoŋ gi moko m'onuŋere m'oruw gi mo ri mic ma kodhi.

²⁰Sen acel ma zahabu ma peko mere obedo siringi apar, m'opoŋ gi buban;

²¹thwon acel, wod rombo acel, wod rombo acel ma jaoro acel, paka mic awaŋa.

²²Wod diel acel paka mic ma cwako reco,

²³kodi ri cowirok ma siem, merikwa ario, wot rombo abic, wot diegi abic, gi wot rombo abic ma jo oro acel. Me obedo mic pa Nethanel wod pa Zuar.

²⁴I ndelo mar'adek Eliab wod pa Helon, jatel pa nyikway Zebulun.

²⁵Mic pere obedo sen acel ma feza ma peko mere obedo siringi miya acel gi piero adek. Kalaya acel ma peko mere obedo siringi piero abirio, cungo kwoŋ siringi ma Kabedo Maleŋ. Joje jopoŋ gi moko m'onuŋere m'oruw gi mo ri mic ma kodhi.

²⁶Sen acel ma zahabu ma peko mere obedo siringi apar, m'opoŋ gi buban;

²⁷rwath acel, wod rombo acel, wod rombo acel ma jaoro acel ma mic awaŋa.

²⁸Wod diel acel ri mic ma cwako reco

²⁹kodi ri cowirok ma siem, merikwa ario, wot rombo abic, wot diegi abic, kodi wot rombo abic ma jo oro acel. Me obedo mic pa Eliab wod pa Helon.

³⁰I ndelo mar'aŋwen Elizur wod pa Sedur, jatel pa nyikway Ruben:

³¹Mic pere oyido obedo sen ma feza ma peko mere obedo siringi miya acel gi piero adek, kalaya acel ma feza ma peko mere obedo siringi piero abirio, cungo kwoŋ siringi ma Kabedo Maleŋ, joje jopoŋ gi moko m'onuŋere m'oruw gi mo ri mic ma kodhi.

³²Sen acel ma zahabu ma peko mere obedo siringi apar, m'opoŋ gi buban;

³³thwon acel, wod rombo acel, wod rombo acel ma jaoro acel, ri mic awaŋa.

³⁴Wod diel acel ri mic ma cwako reco,

³⁵kodi ri cowirok ma siem, merikwa ario, wot rombo abic, wot diegi abic, kodi wot rombo abic ma jo oro acel. Me obedo mic pa Elizur wod pa Sedur.

³⁶I ndelo mar'abic Selumiel wod pa Zurisaday, jatel pa nyikway Simeo:

³⁷Mic pere obedo sen acel ma feza ma peko mere obedo siringi miya acel gi piero adek cungo kwoŋ siringi ma Kabedo Maleŋ. Joje jopoŋ gi moko m'onuŋere m'oruw gi mo ri mic ma kodhi.

³⁸Sen acel ma zahabu ma peko mere obedo siringi apar, m'opoŋ'iye buban.

³⁹Rwath acel, wod rombo acel, wod rombo ma jaoro acel, ri mic awaŋa.

⁴⁰Wod diel acel ri mic ma cwako reco,

⁴¹kodi ri cowirok ma siem, megikwe ario, wot rombo abic, wot diegi abic, kodi wot rombo abic ma jo oro acel. Me obedo mic pa Selumiel wod pa Zurisaday.

⁴²I ndelo mar'aucel Eliasaf wod pa Duwel, jatel pa nyikway Gad:

⁴³Mic pere obedo sen acel ma feza ma peko mere obedo siringi miya acel gi piero adek. Kalaya acel ma feza ma peko mere obedo siringi piero abirio, cungo kwoŋ siringi ma Kabedo Maleŋ. Joje jopoŋ gi moko m'onuŋere m'oruw gi mo ri mic ma kodhi.

⁴⁴Sen acel ma zahabu ma peko mere obedo siringi apar, m'opoŋ gi buban.

⁴⁵Rwath acel, wod rombo acel, wod rombo acel ma jaoro acel ri mic awaŋa.

⁴⁶Wod diel acel ma mic ma cwako reco,

⁴⁷kodi ma cowirok ma siem, megikwe ario, wot rombo abic, wot diegi abic, kodi wot rombo abic ma jo oro acel. Me obedo mic pa Eliasaf wod pa Duwel.

⁴⁸I ndelo mar'abirio Elisama wod pa Amihud, jatel pa nyikway Efrayim:

⁴⁹Mic pere obedo sen acel ma feza ma peko mere obedo siringi miya acel gi piero adek, kalaya acel ma peko mere obedo siringi piero abirio, cungo kwoŋ siringi ma Kabedo Maleŋ. Joje jopoŋ gi moko m'onuŋere m'oruw gi mo ri mic ma kodhi.

⁵⁰Sen acel ma zahabu ma peko mere obedo siringi apar, m'opoŋ gi buban;

⁵¹rwath acel, wod rombo acel, wod rombo acel ma jaoro acel, ri mic awaŋa.

⁵²Wod diel acel ri mic ma cwako reco,

⁵³kodi ri cowirok ma siem, megikwe ario, wot rombo abic, wot diegi abic, kodi wot rombo abic ma jo oro acel. Me obedo mic pa Elisama wod pa Amihud.

⁵⁴I ndelo mar'aboro Gamaliel wod pa Pedazur, jatel pa nyikway Manase:

⁵⁵Mic pere obedo sen acel ma feza ma peko mere obedo siringi miya acel gi piero adek, kalaya acel ma zahabu ma peko mere obedo siringi piero abirio, cungo kwoŋ siringi ma Kabedo Maleŋ. Joje jopoŋ gi moko m'onuŋere m'oruw gi mo ri mic ma kodhi.

⁵⁶Sen acel ma zahabu ma peko mere obedo siringi apar, m'opoŋ gi buban,

⁵⁷rwath acel, wod rombo acel, wod rombo acel ma jaoro acel ri mic awaŋa.

⁵⁸Wod diel acel ri mic ma cwako reco;

⁵⁹kodi ri cowirok ma siem, megikwe ario, wot rombo abic, wot diegi abic, kodi wot rombo abic ma jo oro acel. Me obedo mic pa Gamaliel wod pa Pedazur.

⁶⁰I ndelo mar'aŋwen Abidan wod pa Gideon, jatel pa nyikway Benyamin:

⁶¹Mic pere obedo sen acel ma feza ma peko mere obedo siringi miya acel gi piero adek, kalaya acel ma feza ma peko mere obedo siringi piero abirio, cungo kwoŋ siringi ma Kabedo Maleŋ. Joje jopoŋ gi moko m'onuŋere m'oruw gi mo ri mic ma kodhi.

⁶²Sen acel ma zahabu ma peko mere obedo siringi apar, m'opoŋ gi buban,

⁶³rwath acel, wod rombo acel, wod rombo acel ma jaoro acel ri mic awaŋa.

⁶⁴Wod diel acel ri mic ma cwako reco,

⁶⁵kodi ri cowirok ma siem, megikwe ario, wot rombo abic, wot diegi abic, kodi wot rombo abic ma jo oro acel. Me obedo mic pa Abidan wod pa Gideon.

⁶⁶I ndelo mar'apar Ahiyeza wod pa Amisaday jatel pa nyikway Dan:

⁶⁷Mic pere obedo sen ma feza acel ma peko mere obedo siringi miya acel gi piero adek, kalaya acel ma feza ma peko mere obedo siringi piero abirio, cungo kwoŋ siringi ma Kabedo Maleŋ. Joje jopoŋ gi moko m'onuŋere m'oruw gi mo ri mic ma kodhi.

⁶⁸Sen acel ma zahabu ma peko mere obedo siringi apar, m'opoŋ'iye buban,

⁶⁹rwath acel, wod rombo acel, wod rombo acel ma jaoro acel, ri mic awaŋa.

⁷⁰Wod diel acel ri mic ma cwako reco,

⁷¹kodi ri cowirok ma siem, megikwe ario, wot rombo abic, wot diegi abic, kodi wot rombo abic ma jo oro acel. Me obedo mic pa Ahiyeza wod pa Amisaday.

⁷²I ndelo mar'apar g'acel Pagiel wod pa Ociran, jatel pa nyikway Aser:

⁷³Mic pere obedo sen acel ma feza ma peko mere obedo siringi miya acel gi piero adek. Kalaya acel ma feza ma peko mere obedo siringi piero abirio, cungo kwoŋ siringi ma Kabedo Maleŋ. Joje jopoŋ gi moko m'onuŋere m'oruw gi mo ri mic ma kodhi.

⁷⁴Sen acel ma zahabu ma peko mere obedo siringi apar, m'opoŋ'iye buban.

⁷⁵Rwath acel, wod rombo acel, wod rombo acel ma jaoro acel, ri mic awaŋa.

⁷⁶Wod diel acel ri mic ma cwako reco,

⁷⁷kodi ri cowirok ma siem, megikwe ario, wot rombo abic, wot diegi abic, kodi wot rombo abic ma jo oro acel. Me obedo mic pa Pagiel wod pa Ociran.

⁷⁸I ndelo mar'apar g'ario Ahira wod pa Enan, jatel pa nyikway Nafital:

⁷⁹Mic pere obedo sen acel ma feza ma peko mere obedo siringi miya acel gi piero adek. Kalaya acel ma feza ma peko mere obedo siringi piero abirio, cungo kwoŋ siringi ma kamaleŋ. Joje jopoŋ gi moko m'onuŋere m'oruw gi mo ri mic ma kodhi.

⁸⁰Sen acel ma zahabu ma peko mere obedo siringi apar, m'opoŋ'iye buban.

⁸¹Rwath acel, wod rombo acel, wod rombo acel ma jaoro acel, ri mic awaŋa.

⁸²Wod diel acel ma mic ma cwako reco,

⁸³kodi ri cowirok ma siem, megikwe ario, wot rombo abic, wot diegi abic, kodi wot rombo abic ma jo oro acel. Me obedo mic pa Ahira wod pa Enan.

⁸⁴Me obedo mic ma miyirok ri migam, i hongo m'owir'iye gi mo, wok bongi jotel ma Isiraili: Sendere ma feza apar g'ario, kalayere apar g'ario ma feza, sendere apar g'ario ma zahabu,

⁸⁵kisi sen acel ma feza peko mere oyido obedo siringi miya acel gi piero adek aka kisi kalaya peko mere siringi piero abirio, atewe je ma feza jobedo siringi gana ario gi miya aŋwen cungo kwoŋ siringi ma Kabedo Maleŋ.

⁸⁶Sendere apar g'ario ma zahabu, m'opoŋ'iye buban, ma peko mere obedo siringi apar kisi acel cungo kwoŋ siringi ma Kabedo Maleŋ, zahabu je ma sendere obedo siringi miya acel gi piero ario.

⁸⁷Dhok je ri mic awaŋa jobedo rwathe apar g'ario, wot rombo apar g'ario, wot rombo apar g'ario ma jo oro acel, gi mic pajo ma kodhi; kodi wot diegi apar g'ario ri mic ma cwako reco.

⁸⁸Dhok je ri cowirok ma siem ma jobedo rwathe piero ario g'aŋwen, wot rombo piero aucel, wot diegi piero aucel, wot rombo ma jo oro acel piero aucel. Me obedo mic ma miyirok ri migam, munyo otiek wiro gi mo.

⁸⁹Munyo Musa odonjo i Wema ma romo luwo gi Rwoth, oyido maro winjo dwondi ma luwo gine wok malo ma giumo ka ŋuto m'oyido nitie i wi Kakan ma Cikirok wok i dier cwec ma jobwombi gin; to luwo gine.