Read dhopadhola Zekaria 4 Bible Online

Zekaria 4 - dhopadhola bible

Zekaria 4

¹Malaika m'oyido luwo kodan odwoko, aka ocewan, paka dhano m'icewo wok i nindo.

²Go openjan ni, “Aŋo m'ineno?” Adwoko ni, “Aneno raŋaw tala ma zahabu, g'acero i wiye, talin abirio i wiye, kodi uzi abirio wi kisi tala.

³Aka nitie yen oliv ario cegin, acel yuracuc mar'acero, aka man yuracam mere.”

⁴Apenjo malaika m'oyido luwo kodan ni, “Me ginaŋo, rwoth?”

⁵Malaika m'oyido luwo kodan odwokan ni, “Ikuya gima gime nyutho?” Adwoko ni, “Be, rwoth.”

⁶Go odwoko to waco ran ni, “Me wac pa Rwoth ri Zerubabel: K'obedo gi nyalo kosa meni, to gi cuny paran, Rwoth pa lwak jolweny waco.

⁷Ibedo aŋo, Awi got madwoŋ? Ruwaŋ Zerubabel ilabipere, aka go lakelo tele ma wilwindi i dier koko ma ‘Wor, wor rigo.’ ”

⁸Wac pa Rwoth obino ran ka waco ama:

⁹Cingi Zerubabel ocako ot me, aka cingi go bende lacowo. Kenyo ilaŋeyo nike Rwoth pa lwak jolweny ooran bongin.

¹⁰Kole ŋa m'ocayo ndelo ma gigipiny mathindho? Kole jolafore, aka jolaneno kikebe i cingi Zerubabel. Abirio me obedo waŋ Rwoth abirio ma kaŋasa piny gibe.

¹¹Kenyo adwoko, aka apenjo ni, “Yen oliv ario ma jonitie yuracuc kodi yuracam ma raŋaw tala me jobedo aŋo?”

¹²Apenjo kendo ni, “Jangi yen oliv ario ma jonitie i thengi paipo ma zahabu m'oyido mo wok'iye jobedo aŋo?”

¹³Go odwokan ka penjo ni, “Ikuya gima gigipiny me nyutho?” Adwoko ni, “Be awi rwoth paran.”

¹⁴Go odwoko ni, “Me jario m'owir jo gi mo, ma jocungo kabuti Rwoth ma piny gibe.”