Read dhopadhola Malaki 4 Bible Online

Malaki 4 - dhopadhola bible

Malaki 4

¹Rwoth pa lwak jolweny waco ama: Kole neni, ndelo bino, ma jonoro je gi joreco jobino liel pa kanja. I ndelo no jobino liel woko, aka ongoye gima bino doŋ kwoŋ jo.

²To riwin ma wilworo nyingan, meni ma both paran bino wok kwoŋ win pa waŋceŋ to kelo both pa minyin ceŋ. Wibino bedo m'ogonyere aka gi kisangala paka nyathi dhiaŋ m'owodhi wok i kigo dhok.

³I ndelo no k'anotim gimoro, wibino loyo jokidakana, aka jobino cale fukefuke ma par tiendi win.

⁴Poyi win cik pa ŋeca paran Musa, cik gi Or m'amiyo go wi got Sinai ri ji paran Isiraili ni jowoluwi.

⁵Neni, abino dhiro riwin Elia jatuci wac Were, mafodi ndelo pa Rwoth madwoŋ ma teko k'obino.

⁶Aka go bino riwo nyithindho gi bacere pajo kanyacel doko; kole dinyo abino t'areyo piny mewin.