Read dhopadhola Yosuwa 19 Bible Online

Yosuwa 19 - dhopadhola bible

Yosuwa 19

¹Kwir mar'ario obol ri Simeo, nono pa nyikway Simeo cungo kwoŋ pecin; aka gir'alunja mere oyido nitie i dier gir'alunja pa nyikway Yuda.

²Gir'alunja pajo obedo Berseba, Seba, Molada,

³Hazarsual, Bala Ezem,

⁴Elitolad, Bethul, Horima,

⁵Ziglag, Beth Marikaboth, Hazar Susa,

⁶Beth Lebayoth kodi Saruhen: Tindin madongo apar g'adek gi calin pajo;

⁷Ayin, Rimon, Etha kodi Asan: Tindin madongo aŋwen gi calin mere,

⁸kanyacel gi calin je m'othoko tindin madongo me: Balath Ber kodi Rama yupiny. Me oyido obedo gir'alunja pa nono pa Simeo, cungo kwoŋ pecin pajo.

⁹Gir'alunja pa nyikway Simeo otimo kithar kwoŋ adec ma nono pa nyikway Yuda; kwoŋbedo adec pa nyikway Yuda oyido thoth swa rijo, nyikway Simeo; jonwaŋo gir'alunja i dier gir'alunja pajo.

¹⁰Kwir mar'adek obino ri nyikway Zebulun, cungo kwoŋ pecin pajo. Aka kew ma gir'alunja pajo otundo kiri Saridi;

¹¹onyo to kew pajo medere yupodho ceŋ, kodi Mareal, to geyo Dabeseth kodi pi ma mol yuwok ceŋ ma Yokineam.

¹²Goyo kona yucen wok Saridi kidho yu kew ma Kisloth Tabor, ka medere yu Daberath to kadho kiri malo Yafia.

¹³Wok kenyo to ŋondo yuwok ceŋ yuthenge ma yuwok ceŋ kadho Gath Hefer, kadho i Takazin, to wok kodi Rimon, to gondere thoko kidho Neya.

¹⁴Onyo yuthenge ma yumalo kew goyo kona kidho Hanathon, aka gike mere obedo milelo ma Yiftael,

¹⁵Kata, Nahalal, Simiron, Idala kodi Bethelehem: Kanyacel tindin apar g'ario gi calin pajo.

¹⁶Tindin madongo me kodi calin pajo jobedo gir'alunja pa nyikway Zebulun cungo kwoŋ pecin pajo.

¹⁷Kwir mar'aŋwen ofudhere ri Isakar, ri nyikway Isakar, cungo kwoŋ pecin pajo.

¹⁸Adec mere oyido nitie iye Yezirel, Kesuloth, Sunem,

¹⁹Hafarayim, Sion, Anaharath,

²⁰Rabith, Kision, Ebez,

²¹Remeth, Enganim, Enhada, kodi Beth Pazez.

²²Kew bende ogeyo Tabor, Sahazuma, kodi Bethsemes aka gike mar'adec mere oyido obedo Yordan: Tindin madongo apar g'aucel gi calin pajo.

²³Me am'oyido obedo gir'alunja pa nono pa nyikway Isakar, cungo kwoŋ pecin pajo, tindin madongo kodi calin pajo.

²⁴Kwir mar'abic ofudhere ri nono pa nyikway Aser, cungo kwoŋ pecin pajo.

²⁵Kew mere obed'iye Helkath, Hali, Beten, Akisaf,

²⁶Alamelek, Amadi kodi Misal; ogeyo Kamel yupodho ceŋ kodi jwom ma Libinath.

²⁷Onyo to wire aŋey yuthenge ma yuwok ceŋ kadho Beth Dagon, ogeyo Zebulun kodi milelo ma Yiftael yumalo i Bethemek kodi Neyel, to tundo Kabul yuthenge ma yumalo mere,

²⁸Ebron, Rehob, Hamon, kodi Kana tundo kiri Sidon Madwoŋ.

²⁹To kew wire aŋey i Rama, to kadho kiri tundo i tindi madwoŋ m'otinda ma Tire, to gik kendo i Hosa, aka kew mere yupodho ceŋ oyido obedo Mehalbe, Akizib,

³⁰Uma, Afek kodi Rehok: Kanyacel tindin madongo piero ario g'ario gi calin pajo.

³¹Me am'oyido obedo gir'alunja pa nono pa nyikway Aser, cungo kwoŋ pecin pajo, tindin madongo me gi calin pajo.

³²Kwir mar'aucel ofudhere ri nyikway Nafital, ri nyikway Nafital, cungo kwoŋ pecin pajo.

³³Kew mere ocako wok Helef, wok iy'olwa i Zananim kodi Adaminekeb, kodi Yabinel, tundo kiri Lakum; to gik i Yordan.

³⁴Kenyo to kew wire aŋey yupodho ceŋ kidho Azinoth Tabor aka wok kenyo to medere kiri Hukok, aka geyo Zebulun yupiny, kodi Aser yupodho ceŋ, kodi Yuda yuwok ceŋ i Yordan.

³⁵Tindin madongo m'otinda gi cel jobedo Zidim, Zer, Hamath, Rakath, Kinereth,

³⁶Adama, Rama, Hazor,

³⁷Kedes, Edirey, Enhazor,

³⁸Yiron, Migdalal, Horem, Beth Anath, kodi Bethsemes: Tindin madongo apar g'abuŋwen gi calin mere.

³⁹Me a gir'alunja pa nono pa nyikway Nafital cungo kwoŋ pecin pajo tindin madongo gi calin pajo.

⁴⁰Kwir mar'abirio to ofudhere ri nono pa nyikway Dan, cungo kwoŋ pecin pajo.

⁴¹Aka adec ma gir'alunja pajo oyido obedo Zora, Esitayol, Irisemes,

⁴²Salabin, Ayijalon, Yithla,

⁴³Elon, Timina, Ekiron,

⁴⁴Eliteke, Gibethon, Balath,

⁴⁵Yehud, Benberak kodi Gath Rimon;

⁴⁶Mejarkon kodi Rakon g'adec ma ŋiyere kodi Yopa.

⁴⁷To munyo adec pa nyikway Dan orwenyo rijo, nyikway Dan jokidho malo to jolwenyo kodi Lesem, aka munyo jotieko mako to joneko ji mere, joloko apajo to jobed'iye, to jolwoŋo Lesem ni Dan, m'obedo nyingi Dan, kwari jo.

⁴⁸Me a gir'alunja pa nono pa nyikway Dan, cungo kwoŋ pecin pajo tindin madongo me kodi calin pajo.

⁴⁹Munyo jotieko cowo poko adec m'opokere ma piny paka gigipiny alunja, Joisiraili to jomiyo gir'alunja ma dier jo ri Yosuwa wod pa Nun.

⁵⁰Wok kwoŋ or pa Rwoth jomiyo go tindi madwoŋ ma go okwayo, Timinath Sera i piny matendere ma Isiraili; to go geto tindi madwoŋ kendo; to bed'iye.

⁵¹Me a gigipiny alunja ma Eliazar jacway ri Were i wi migam gi Yosuwa wod pa Nun kodi jotel ma pecin pa bacere ma nonin pa Joisiraili m'opok gi bolo kwir i Silo ruwaŋ Rwoth, i dhiot ma Wema ma romo. Onyo to jocowo poko lowo.