Read dhopadhola Joebulaniya 1 Bible Online

Joebulaniya 1 - dhopadhola bible

Joebulaniya 1

¹I ndir m'okadho, Were oluwo gi kwarere mawan dikweth i royo m'omore gi i dhok jotuci wac pere,

²to i ndir macowe me, go oluwo gi wan gi i dhok Wode m'oyero paka okayo ma lalunjo gigipiny pere je, aka ocweyo polo gi piny luwo kwoŋ Wode no.

³Go obedo lero ma nyutho dwoŋ pa Were; aka go obedo cal pa Were won gi kite, kendo go ama kuro polo gi piny gi wac pere ma dimeni. Munyo go otieko kelo lonyo kwoŋ reco je, go obedo piny i polo yu cingi Jadhum Madwoŋ maracuc.

⁴Riameno go olokere madwoŋ loyo jomalaika, paka nyinge ma Were omiyo go loyo apajo.

⁵Were otieko ye waco ri malaika mene ni, “In Wodan: Konon alokere Benin?” Kosa ri mene ni, “Abino bedo Bamere, aka go bino bedo Wodan?”

⁶Medo kwoŋ meno, munyo Were oyido cegin oro Wode makayo i piny ka, owaco ni, “Weyi jomalaika pa Were je jowolami go.”

⁷Aka me a gima Were owaco kwoŋ jomalaika: “Were loko jomalaika pere koyo, aka go loko jotic pere lew mac.”

⁸To kwoŋ Wode, Were owaco ni, “Kom perin ma dhum, a Were, bino kiyindira cil gi cil, aka tiro am'ibino dhumo gine i Ker perin.

⁹Imaro gim'otire aka idaki reco, am'omiyo Were, ma Were perin, owirin gi mo ma kisangala to miyin dwoŋ ma kalo ma go omiyo jowotin.”

¹⁰Go owaco kendo ni, “A Rwoth, i cakirok icweyo piny, aka polo meno je tic ma cingin otimo.

¹¹Gigipiny no je jobino leny woko, to in idoŋ; joje jobino ti pa nanga.

¹²Iladolo jo pa kot; odoko ilawiro cal pajo pa nangin. To in idoŋ adoŋa paka initie, kendo oro perin kilarumo.”

¹³Were owaco ye ri malaika mene ni, “Bedi yuracuc paran cuka anoloki jokwor perin paka kasik ma ketho tiendin?”

¹⁴Jomalaika meno ki cuny ma jotiyo ri Were, ma go ooro konyo joma jobino limo both?