Read dhopadhola Ruth 3 Bible Online

Ruth 3 - dhopadhola bible

Ruth 3

¹Munyo hongo moro okadho, Naume owaco ri Ruth ni, “Ripo anwaŋ rin jacwo ŋey inyal bedo gi peco perin won.

²Poyi ni Bowaz, jal m'oyido ibedo gi mon pere kama jotiy'iye obedo wat mawan. Winji, konon me othieno, go labino piedho bale.[4]

³Ameno onyo iripo lwoki, wire gi mo aka irukere maber tektek. K'itieko, ikidhi i kisia; ikir'iyey go woŋey ni initie kenyo cuka go otiek cemo gi medho.

⁴Ineni odoco kama go orier'iye, aka ka nindo okwalo go, ikidhi aka itiŋ gium aka iriere kabute; go bino waco rin gir'atima”.

⁵Ruth odwoko ni, “Alatimo gimoro je m'iwaco”.

⁶Ruth okadho yupiny i kisia aka otimo gim'adhamere owaco rigo.

⁷Munyo Bowaz otieko cemo gi medho, aka cunye oyido yodere, okadho to riere cegin gi kam'odhur'iye nyingi bale. Ruth obino mothmoth, aka oyawo gium pa Bowaz to nindo bonge.

⁸Cegin dier wor, Bowaz to bwok, owire to dhier nwaŋo dhako nindo bonge.

⁹Go openjo ni, “In ŋa?”. Ruth odwoko ni, “An Ruth ŋeca perin”. Bol ye adec ma law perin kwoŋan, kole iripo kikwonga an.

¹⁰Bowaz owaco rigo ni, “Rwoth womiyin silwany. Inyuthan wor madwoŋ loyo kiri m'imiyo adhenin. Fodi ikirango jayac m'oŋaŋ kosa ma jacandi.”

¹¹Bowaz omedo waco rigo ni, “Mondo ikir'ibedi gi lworo, alatimo rin gimoro je m'imito, kole jotindi me je joŋeyo ni idhako ma jawor.

¹²Obedo adieri ni aripo kikwonga in, akurin to nitie ŋatimoro ma wat perin loyan.

¹³Nindi ka wor me, aka dikin abino penjo ka go nyalo kurin. K'oyeyo bino bero, k'okwero, akwoŋere i nyingi Were makwo, abino kurin. Onyo nindi ka tundo dikin.”

¹⁴Ameno Ruth onindo bonge tundo odikin, oay ma piny fodi riprip ma ŋeyo dhano tek, kwoŋbedo Bowaz oyido k'omito nyatoro woŋey ni go oyido onindo bonge.

¹⁵To mafodi, Bowaz owaco ri Ruth ni, gony nanga perin ipedhi ka. Go otimo ameno to Bowaz konjo rigo bale[5] ma romo kilo piero ario to Bowaz yeyo go to dok i tindi.

¹⁶Munyo Ruth otundo, adhamere openjo go ni, “Aŋo m'otimere nyaran?” Go otito gimoro je ma Bowaz otimo rigo ka waco ama,

¹⁷“Omiyan kilo piero ario ma bale, ka waco ama: Ikinyal dok bongi adhenin gi cingin nono.”

¹⁸Naume owaco rigo ni, “Bedi moth nyaran, kur ineni gim'otimere, Bowaz k'oywe cuka go okwey wac me konon.”