Read digo 1 Nyakati 2 Bible Online

1 Nyakati 2 - digo bible

1 Nyakati 2

¹Hinya ndinyo ana a Iziraeli: Rubini, Simioni, Lawi, Juda, Isakari, Zabuloni,

²Dani, Yusufu, Benjamini, Nafutali, Gadi na Asheri.

³Ana a Juda ni Eri, Onani na Shela. Juda wavyarirwa hinya ahahu ni Bathi-Shua mchetu wa Chikanani. Naye Eri, mwana wa kpwandza wa Juda, wakala mui matsoni pha Mwenyezi Mlungu, naye Mwenyezi Mlungu achimuolaga.

⁴Na Tamari, mkpwaza-mwana wa Juda, wamvyarira Peresi na Zera. Ana osi a Juda ni atsano a chilume.

⁵Ana a Peresi ni Hezironi na Hamuli.

⁶Ana a Zera kala ni atsano, nao ni Zimuri, Ethani, Hemani, Kalikoli na Dara.

⁷Mwana wa Karimi kala ni Akari, yuya waarehera mashaka Aiziraeli kpwa kuhala vitu vyotengbwa kpwa ajili ya Mlungu ili viangamizwe tsetsetse.

⁸Na mwana wa Ethani kala ni Azaria.

⁹Ana a Hezironi ariovyarirwa, ni Jerahimeeli, Ramu na Kalebu.[3]

¹⁰Ramu kala ni ise wa Aminadabu, na Aminadabu kala ni ise wa Nashoni yekala chilongozi wa atu a Juda.

¹¹Nashoni kala ni ise wa Salimoni, na Salimoni achikala ise wa Boazi.

¹²Boazi wamvyala Obedi, na Obedi achimvyala Jese.

¹³Jese wamvyala Eliabu, mwanawe wa kpwandza wa chilume, na wa phiri achikala Abinadabu, wa hahu achikala Shimea,

¹⁴wa ne achikala Nethaneli, wa tsano achikala Radai,

¹⁵wa sita achikala Ozemu na wa sabaa achikala Daudi.

¹⁶Ndugu zao achetu kala ni Seruya na Abigaili. Ana a hahu a Seruya kala ni Abishai, Joabu, na Asaheli.

¹⁷Abigaili wavyala Amasa. Ise wa Amasa kala ni Jetheri, Muisimaili.

¹⁸Phahi, Kalebu mwana wa Hezironi wavyarirwa ana ni mchewe Azuba, na Jeriothi. Ana a chilume a Azuba kala ni Jesheri, Shobabu na Aridoni.

¹⁹Azuba ariphofwa, Kalebu walóla mchetu wanjina aihwaye Efuratha na achivyala naye mwana mlume aihwaye Huri.

²⁰Naye Huri wavyala Uri; na Uri naye achimvyala Bezaleli.

²¹Hezironi ariphokala na miaka mirongo sita walóla mwana mchetu wa Makiri, ise wa Giliadi; naye wamvyarira Segubu.

²²Segubu wamvyala Jairi, ambaye kala ana midzi mikulu mirongo miiri na mihahu kpwenye tsi ya Giliadi.

²³Ela Geshuri na Aramu amfuta midzi mikulu ya Havothi-Jairi, Kenathi na mitaaye, jumulaye midzi mirongo sita. Hinya osi kala ni ana a Makiri ise wa Giliadi.

²⁴Hezironi ariphofwa, Kalebu wamuhala ufwa nine mdide Efuratha,[4] yekala mkpwaza ise Hezironi, naye achimuvyarira Ashuri, ise wa Tekoa.

²⁵Na ana a Jerahimeeli, mwana mvyere wa Hezironi kala ni hinya: Wa kpwandza kala ni Ramu, yelungirwa ni Buna, Oreni, Ozemu na Ahija.

²⁶Jerahimeeli piya kala ana mchetu wanjina yeihwa Atara. Iye ndiye yekala ninengbwa wa Onamu.

²⁷Na ana a Ramu, mwana mvyere wa Jerahimeeli ni Maazi, Jamini na Ekeri.

²⁸Ana a Onamu ni Shamai na Jada. Ana a Shamai ni Nadabu na Abishuri.

²⁹Na mkpwaza Abishuri kala anaihwa Abihaili, naye wavyala Ahibani na Molidi.

³⁰Ana a Nadabu kala ni Seledi na Apaimu. Seledi wafwa bila kuphaha mwana.

³¹Mwana wa Apaimu kala ni Ishi. Ishi achikala isengbwa wa Sheshani. Sheshani naye achikala isengbwa wa Ahilai.

³²Ana a Jada, mwanáo wa Shamai kala ni Jetheri na Jonathani. Jetheri wafwa bila kuphaha mwana.

³³Ana a Jonathani ni Pelethi na Zaza. Hinya ndio ariokala a chivyazi cha Jerahimeeli.

³⁴Sheshani kaphahire ana a chilume ela a chichetu. Naye Sheshani kala ana mtumwa Mmisiri yeihwa Jahira.

³⁵Ndipho Sheshani achilavya mwanawe mchetu alólwe ni Jahira, mtumwawe, naye achimuvyarira mwana yeihwa Atai.

³⁶Atai wamvyala Nathani, Nathani wamvyala Zabadi.

³⁷Zabadi wamvyala Efilali na Efilali wamvyala Obedi.

³⁸Obedi wamvyala Jehu, na Jehu achimvyala Azaria;

³⁹Azaria wamvyala Helesi na Helesi achimvyala Eleasa.

⁴⁰Eleasa wavyala Sisimai na Sisimai achimvyala Shalumu.

⁴¹Shalumu wamvyala Jekamia na Jekamia achimvyala Elishama.

⁴²Na ana a Kalebu, mwanao wa Jerahimeeli kala ni Mesha, mwanawe mvyere, yekala ise wa Zifu. Maresha ndiye yekala isengbwa wa Heburoni.

⁴³Ana a Heburoni kala ni Kora, Tapua, Rekemu na Shema.

⁴⁴Shema wamvyala Rahamu, yekala isengbwa wa Jorikeamu. Rekemu wamvyala Shamai.

⁴⁵Mwana wa Shamai kala ni Maoni na Maoni achikala isengbwa wa Bethi-Suri.

⁴⁶Efa yekala mwanachetu wa Kalebu wavyala Harani, Moza na Gazezi. Harani wamvyala Gazezi.

⁴⁷Ana a Jadai kala ni Regemu, Jothamu, Geshani, Peleti, Efa na Shaafu.

⁴⁸Maaka, mwanachetu wa Kalebu, wavyala Sheberi, na Tirihana.

⁴⁹Chisha achivyala Shaafu, yekala isengbwa wa Madimana na Sheva ise wa Makibena na Gibeya. Mwana mchetu wa Kalebu kala ni Akisa.

⁵⁰Hinya ndinyo kala ni ana a Kalebu. Ana a Huri, mwana mvyere wa Efuratha ni Shobali yekala muandzilishi wa mudzi wa Kiriathi-Jearimu,

⁵¹Salima, muandzilishi wa mudzi wa Bethilehemu na Harefu, yekala muandzilishi wa mudzi wa Bethi-Gaderi.

⁵²Shobali, muandzilishi wa mudzi wa Kiriathi-Jearimu wakala na ana anjina a chilume, nao kala ni Haroe, na nusu ya Amenuhothi.

⁵³Na atu a mryango wa Kiriathi-Jearimu kala ni Aithiri, na Aputhi, na Ashumathi, na Amishirai. Kula kpwa aha kpwaphahikana atu a Zora Eshitaoli.

⁵⁴Chivyazi cha Salima ni Bethilehemu, na Anetofa, Atirothi-Bethi-Joabu, nusu ya Amenuhothi na Azori.

⁵⁵Na atu a mryango wa Aandishi ariola Jabezi ni Atirathi, Ashimeathi na Asukathi. Hinyo ndinyo Akeni, ariola kpwa Hamathi, mkare wa mbari ya Rekabu.