Read digo 1 Nyakati 3 Bible Online

1 Nyakati 3 - digo bible

1 Nyakati 3

¹Hinya ndio ana alume a Daudi ariovyalwa mudzi wa Heburoni. Wa kpwandza kala ni Amunoni, ariyemvyala na Ahinoamu, wa kula Jeziriili. Wa phiri ni Danieli ariyemvyala na Abigaili, kula Karimeli.

²Wa hahu ni Abusalomu, ariyemvyala na Maaka, mwana mchetu wa Talimai, mfalume wa Geshuri. Wa ne kala ni Adonija ariyemvyala na Hagithi.

³Wa tsano kala ni Shefatia, ariyemvyala na Abitali, na wa sita kala ni Ithireamu ariyemvyala na mchewe yeihwa Egila.

⁴Hano ana sita waavyala wakati a hiko Heburoni, ambako watawala kpwa miaka sabaa na miezi sita. Na achitawala kpwa miaka mirongo mihahu na mihahu wakati kala a Jerusalemu.

⁵Hinya ni ana ariovyalwa ni Daudi na mchewe Bathisheba mwana mchetu wa Amieli wakati a hiko Jerusalemu: Shimea, Shobabu, Nathani na Selemani.

⁶Ana anjina a Daudi ni Ibuhari, Elishuwa, Elifeleti,

⁷Noga, Nefegi, Jafia;

⁸Elishama, Eliada na Elifeleti, atu tisiya.

⁹Hinya osi kala ni ana a Daudi, mbali na ana a anachetue. Tamari kala ni mwanáo wao mchetu.

¹⁰Atu a chivyazi cha Selemani kala ni Rehoboamu yemvyala Abija, Abija yemvyala Asa, Asa yemvyala Jehoshafati,

¹¹Jehoshafati yemvyala Jehoramu, Jehoramu yemvyala Ahaziya, Ahaziya yemvyala Joashi,

¹²Joashi yemvyala Amaziya, Amaziya yemvyala Azaria, Azaria yemvyala Jothamu,

¹³Jothamuna yemvyala Ahazi, Ahazi yemvyala Hezekiya, Hezekiya yemvyala Manase,

¹⁴Manase yemvyala Amoni, Amoni yemvyala Josiya.

¹⁵Ana a Josiya ni hinya, wa kpwandza ni Johanani, wa phiri ni Jehoyakimu, wa hahu Zedekiya, na wa ne Shalumu.

¹⁶Jehoyakimu kala ana ana airi a chilume; Jekonia na Zedekiya.

¹⁷Ana a Jekonia, ariyehalwa mateka kala ni Shealitieli,

¹⁸Malikiramu, Pedaya, Shenazari, Jekamia, Hoshama na Nebadia.

¹⁹Ana a Pedaya kala ni Zerubabeli na Shimei. Ana a Zerubabeli kala ni Meshulamu na Hanania mwanáo wao mchetu kala ni Shelomithi.

²⁰Anae anjina atsano ni Hashuba, Oheli, Berekiya, Hasadia na Jushabu-Hesedi.

²¹Ana a Hanania kala ni Pelatia na Jeshaya, na mwanawe Refaya, na mwanawe Arinani, na mwanawe Obadiya, na mwanawe Shekania.

²²Mwanangbwa wa Shekania kala ni Shemaya, na ana a Shemaya kala ni Hatushi, Igali, Baria, Neariya na Shafati. Osi jumula kala ni atu sita.

²³Ana a Neariya kala ni ahahu, nao ni Elioenai, Hezekiya na Azirikamu.

²⁴Ana a Elioenai kala ni sabaa, nao ni Hodavia, Eliashibu, Pelaya, Akubu, Johanani, Delaya na Anani.