Read digo Zaburi 1 Bible Online

Zaburi 1 - digo bible

Zaburi 1

¹Baha mutu asiyelunga mashauri ga atu ayi, asiyegbwira njira za enye dambi, wala kasagala kpwenye vikalo vya atu a matani.

²Badalaye anahamirwa ni shariya za Mwenyezi Mlungu, naye nkuiririkana usiku na mutsi.

³Mutu hiye ni dza muhi uriophandwa kanda-kanda ya vidzuho, ambao nkuvyala matunda kpwa mingaye, na makodzage taganyala. Na chila ahendaro, nkuongokerwa.

⁴Ela atu ayi taahivyo, aho ni dza wiswa uphepheruswao ni phepho.

⁵Kpwa hivyo atu ayi taandatiya uamuli wa Mlungu, na enye dambi taandaima phamwenga na atu a haki.

⁶Mana Mwenyezi Mlungu nkulola njira za enye haki; ela njira ya atu ayi indaalongoza kpwenye ubanangi.