Read digo Zaburi 10 Bible Online

Zaburi 10 - digo bible

Zaburi 10

¹Ee Mwenyezi Mlungu, mbona ukaima kure? Kpwa utu wani unadzifwitsa wakati swino hu tabuni?

²Atu ayi anagayisa achiya bila kujali njama zao arizozipanga naziagbwire enye.

³Atu ayi anadzilika kpwa mambo mai anagopanga kugahenda aroho analani na kumrema Mwenyezi Mlungu.

⁴Atu ayi taamuendza Mwenyezi Mlungu, kpwa kukala anadzikarya, aho anaona takuna Mlungu.

⁵Aho nkuongokerwa na chila ahendaro taaelewa hukumu za mlungu. Aho nkunyetera maadui gao.

⁶Nkudziambira mwao mioyoni, “Sindashindwa ngʼo. Sindaphaha tabu ta kare na kare.”

⁷Miromo yao i tele lana, handzo na vitisho. Aho nkugomba maneno mai ga kureyeza chila wakati.

⁸Nkudzifwitsa phephi na vidzidzi akadziiya-iya kuolaga atu asio na makosa. Chila wakati anaoteya anyonje.

⁹Nkudzifwitsa na kumuoteya dza simba. Nkugodza ili amgbwire mchiya. Iye nkumgbwira mnyonje na kumguruta kpwenye nyavuye.

¹⁰Anyonje nkugbwirwa akatiswa-tiswa ni hinyo atu ayi ario na mkpwotse.

¹¹Mui nkudziambira mwakpwe rohoni, “Mlungu akayala akaloza usowe kanda, kaona chitu.

¹²Unuka uwe Mwenyezi Mlungu, unula mkpwonoo uwe Mlungu. Usiyale anaogaya.

¹³Ee Mlungu, kpwa utu wani mutu mui anakubera, na kuamba hangbwe kundamuisabira kukala ana makosa?”

¹⁴Ela uwe unaona yo ziki na yo shida anayosababisha, nawe u tayari kuatiya adabu. Mnyonje anakuadamira uwe uwe ndiwe msada wa anachiya.

¹⁵Bananga mkpwotse wa mutu mui, sisa uyiwe wosi.

¹⁶Mwenyezi Mlungu ni mfalume hata kare na kare, atu a mataifa ganjina andaangamizwa kula kpwenye tsiiye.

¹⁷Ee Mwenyezi Mlungu undaphundza mavoyo ga anyenyekevu, uatiye moyo na usikire chiriro chao,

¹⁸uahendere haki anachiya na anaoonerwa, ili mwanadamu ariyeumbwa kpwa ulongo asiweze kuaogofyera tsona.