Read digo Zaburi 108 Bible Online

Zaburi 108 - digo bible

Zaburi 108

¹Zaburi ya Daudi. Wira. Moyo wangu tauna shaka, ee Mlungu, Nindaimba na kukuhendera shangbwe! Moyo wangu naulamuke.

²Lamuka, uwe ngephephe na zeze. Nindalamuka chiti cha ngutu.

³Nindakushukuru, uwe Mwenyezi Mlungu, kahi za atu a mataifa. Nindakuimbira mawira ga kukutogola kahi za mataifa.

⁴Mana mendzwayo isiyosika i dzulu kutsupa mlunguni, na uaminifuo unafika mainguni.

⁵Uwe Mlungu, togolwa ko dzulu mlunguni, ngumayo naigote duniani kosi.

⁶Niterya kpwa mkpwonoo wa kulume, nijibu ili atuo uamendzao aweze kutivywa.

⁷Mlungu akagomba kula phatuphe phatakatifu, “Kpwa kuhamirwa ndaganya Shekemu, na nipime Dete ra Sukothi.

⁸Tsi ya Giliadi ni yangu, na tsi ya Manase ni yangu, Efuraimu ni kofiya yangu ya chuma na Juda ni fwimbo yangu ya chifalume.

⁹Moabu ni beseni rangu ra kuogera Edomu ndaitsuphira chirahu changu, halafu nikote kululu za ushindi chinyume cha Filisti.”

¹⁰Ni ani ndiyeniphirika mudzi uriozungulusirwa ngome? Ni ani ndiyenilongoza hadi Edomu?

¹¹We Mlungu, ukahuricha tsetsetse? Uwe kuphiya tsona na majeshi gehu.

¹²Huterye kuturya aviha ehu, mana msada wa mwanadamu taufwaha chitu.

¹³Kpwa msada wa Mlungu, hundahenda makulu, iye andavyoga-vyoga aviha ehu.