Read digo Zaburi 136 Bible Online

Zaburi 136 - digo bible

Zaburi 136

¹Mshukuruni Mwenyezi Mlungu, kpwa kukala iye ni mnono, mana mendzwaye isiyosika inadumu hata kare na kare.

²Mshukuruni Mlungu wa milungu, mana mendzwaye isiyosika inadumu hata kare na kare.

³Mshukuruni Mlungu mkpwulu kushinda milungu yosi, mana mendzwaye isiyosika inadumu hata kare na kare.

⁴Kpwa iye macheye ambaye nkuhenda maajabu, mana mendzwaye isiyosika inadumu hata kare na kare.

⁵Kpwa iye ambaye kpwa kumanyakpwe waumba mlunguni, mana mendzwaye isiyosika inadumu hata kare na kare.

⁶Kpwa iye ariyetengeneza tsi dzulu ya madzi, mana mendzwaye isiyosika inadumu hata kare na kare.

⁷Kpwa iye ariyetengeza mianga mikulu. Mana mendzwaye isiyosika inadumu hata kare na kare.

⁸Dzuwa ra kutawala wakati wa mutsi, mana mendzwaye isiyosika inadumu hata kare na kare.

⁹Mwezi na nyenyezi za kutawala usiku. Mana mendzwaye isiyosika inadumu hata kare na kare.

¹⁰Kpwa iye ariyeolaga ana a mwandzo a Amisiri, mana mendzwaye isiyosika inadumu hata kare na kare.

¹¹Na kutuluza Aiziraeli kahi zao, mana mendzwaye isiyosika inadumu hata kare na kare.

¹²Kpwa mkpwono wa nguvu uchiogoloswa, mana mendzwaye isiyosika inadumu hata kare na kare.

¹³Kpwa iye ariyeganya Bahari ya Shamu kano mbiri, mana mendzwaye isiyosika inadumu hata kare na kare.

¹⁴Na kuhenda Aiziraeli atsupe kahi-kahi, mana mendzwaye isiyosika inadumu hata kare na kare.

¹⁵Ela Farao na asikarie a viha achiahenda ahohe, mana mendzwaye isiyosika inadumu hata kare na kare.

¹⁶Kpwa iye ariyelongoza atue weruni, mana mendzwaye isiyosika inadumu hata kare na kare.

¹⁷Kpwa iye ariyepiga afalume akulu, masujaa. Mana mendzwaye isiyosika inadumu hata kare na kare.

¹⁸Na kuolaga afalume enye nguvu. Mana mendzwaye isiyosika inadumu hata kare na kare.

¹⁹Sihoni, mfalume wa Aamori mana mendzwaye isiyosika inadumu hata kare na kare.

²⁰Na Ogi mfalume wa Bashani, mana mendzwaye isiyosika inadumu hata kare na kare.

²¹Tsi zao achizilavya zikale urisi, mana mendzwaye isiyosika inadumu hata kare na kare.

²²Urisi wa Iziraeli mtumishiwe. Mana mendzwaye isiyosika inadumu hata kare na kare.

²³Iye ndiye ariyehutambukira wakati kala hu anyonje. Mana mendzwaye isiyosika inadumu hata kare na kare.

²⁴Achihutivya na maadui gehu. Mana mendzwaye isiyosika inadumu hata kare na kare.

²⁵Iye anayerisa viumbe vyosi, mana mendzwaye isiyosika inadumu hata kare na kare.

²⁶Mshukuruni Mwenyezi Mlungu wa mlunguni. Mana mendzwaye isiyosika inadumu hata kare na kare.