Read digo Zaburi 143 Bible Online

Zaburi 143 - digo bible

Zaburi 143

¹Zaburi ya Daudi. Ee Mwenyezi Mlungu, sikira voyo rangu, hega sikiro usikire go nivoyago, mana uwe u muaminifu, nijibu sawa-sawa na hakiyo.

²Usiniamule mimi mtumishio, mana takuna mutu ariye na haki mberezo.

³Mana adui ananilunga-lunga, akanivundza-vundza mtsangani, akanihenda nisagale jizani dza mutu yefwa hangu kare.

⁴Kpwa hivyo nkavundzika moyo, roho yangu ikamaka kpwa wuoga.

⁵Natambukira hipho kare, siku zotsupa, naririkana mahendogo gosi, na kuaza kazi za mikonoyo.

⁶Nakugolosera mikono yangu, moyo wangu unakuaza dza tsi ichiyokosa mvula siku nyinji.

⁷Henda wangbwi unijibu ee Mwenyezi Mlungu, mana nkavundzika moyo! Usinilozere kogo, sedze nikakala dza atsererao kuzimu.

⁸Ligundzu nanisikire kuhusu mendzwayo isiyosika, mana mino nakukuluphira uwe. Nionyesa njira ya kulunga mana moyo wangu nkauelekeza kpwako.

⁹Nitivya na maadui gangu, Ee Mwenyezi Mlungu, mana nkakuchimbirira uwe.

¹⁰Nifundza kuhenda vira ulondavyo mana uwe u Mlungu wangu! Rohoo mnono naanilongoze kahi ya njira ya sawa!

¹¹Tundza maisha gangu kpwa sababu ya dzinaro, ee Mwenyezi Mlungu! Kpwa sababu ya hakiyo ntuluza tabuni!

¹²Komesa maadui gangu kpwa mendzwayo isiyosika, angamiza aviha angu osi mana mimi ni mtumishio.