Read digo Zaburi 146 Bible Online

Zaburi 146 - digo bible

Zaburi 146

¹Haleluya. Mwenyezi Mlungu naatogolwe! Uwe nafsi yangu mtogole Mwenyezi Mlungu!

²Nindamtogola Mwenyezi Mlungu, maisha gangu gosi. Ndamuimbira sifwa Mlungu wangu muda wosi nrio moyo.

³Usiadamire akulu, wala mwanadamu asiyeweza kukutivya.

⁴Arichapho kuphuma anauya mtsangani na siku iyo mipango yao yosi nikusika.

⁵Baha iye aterywaye ni Mlungu wa Jakobo, amkuluphiraye Mwenyezi Mlungu, Mlunguwe,

⁶ariyeumba mlunguni na dunia, bahari na vyosi virivyo himo Mwenyezi Mlungu ariye muaminifu hata kare na kare.

⁷Aaphaye haki zao hinyo aonerwao na kuapha chakurya ario na ndzala. Mwenyezi Mlungu nkuricha huru afungbwa.

⁸Mwenyezi Mlungu nkuvugula matso vipofu. Mwenyezi Mlungu nkuaunula achioremererwa ni mizigo. Mwenyezi Mlungu anamendza atu a haki.

⁹Mwenyezi Mlungu nkuarinda ajeni, iye nkuapha kuluphiro magungu na anachiya ela mipango ya mutu mui nkuibananga.

¹⁰Mwenyezi Mlungu anatawala hata kare na kare. Mlunguo uwe Sayuni ni wa vivyazi vyosi. Haleluya. Mwenyezi Mlungu naatogolwe!