Read digo Zaburi 16 Bible Online

Zaburi 16 - digo bible

Zaburi 16

¹Wira[4] wa Daudi. Nirinda, ee Mlungu, mana ninachimbirira kpwako.

²Ninamuamba Mwenyezi Mlungu, “Uwe ndiwe Mlungu wangu, vitu vyosi vinono nrivyo navyo vila kpwako uwe.”

³Atakatifu ario kpwenye tsi ndio akulu nami nahamirwa kukala phamwenga nao.

⁴Anaoadamira milungu yanjina anadzienjerezera tabu, mino sindamwaga sadaka za milatso za milungu yanjina, wala kuhadza madzina gao.

⁵Mwenyezi Mlungu, uwe ndiye seemu yangu, na ndiwe unijaliyaye, mtalo wangu u salama mwako mikononi.

⁶Tsi uriyoniphakira ni nono, kpwa kpweli nina urisi mnono.

⁷Namtogola Mwenyezi Mlungu kpwa sababu ananilongoza, na usiku zamiri yangu inanionya.

⁸Ninamanya kukala Mwenyezi Mlungu a phamwenga nami wakati wosi, kpwa kukala a phephi nami takuna chochosi ndichonihenda nikakame.

⁹Kpwa hivyo moyo wangu ukahererwa, nami nina raha. Nami nadzisikira kukala ni salama.

¹⁰Kundaniricha kahi ya ariofwa, wala kuricha mtumishio muaminifu aole mbirani.

¹¹Unanionyesa njira iphiyayo uzimani. Nami nahamirwa kukala phephi nawe na uphande wa mkpwonoo wa kulume kuna manono siku zosi.