Read digo Zaburi 26 Bible Online

Zaburi 26 - digo bible

Zaburi 26

¹Zaburi ya Daudi. Ee Mwenyezi Mlungu, amula kukala sina makosa kpwa sababu nikaishi maisha gasigo ila na nkakukuluphira uwe bila ya kuyumba-yumba.

²Nipima, ee Mwenyezi Mlungu, na unijeze, chunguza moyo wangu na nia yangu.

³Mana unanionyesa mendzwayo isiyosika nami naishi kulengana na uaminifuo.

⁴Sisagala na atu a handzo wala sina uhusiano na anafiki.

⁵Nazira mikutano ya atu ayi na sindasagala na atu ayi.

⁶Natsukutsa mikono kuonyesa sina makosa na kuzunguluka phatu pha kulavira sadaka, ee Mwenyezi Mlungu,

⁷kuno naimba wira wa shukurani kpwa sauti na kuambira atu mahendogo ni ga ajabu.

⁸Ee Mwenyezi Mlungu, namendza nyumba usagalayo, makalo ga ngumayo.

⁹Usiniangamize phamwenga na enye dambi wala kuusa uhai wangu phamwenga na aolagadzi,

¹⁰apangao mai wakati wosi na mikono yao ya kulume i tele hongo.

¹¹Ela mino naishi maisha gasigo na ila, nionera mbazi na unitivye!

¹²Niimire phatu pha kugbwa, nindamtogola Mwenyezi Mlungu kahi za mkpwutano mkpwulu.