Read digo Zaburi 30 Bible Online

Zaburi 30 - digo bible

Zaburi 30

¹Zaburi ya Daudi. Wira wa wakati wa kutenga nyumba ya kuvoya Mlungu kpwa ajili ya Mlungu. Nindakutogola, ee Mwenyezi Mlungu, mana ukanitivya na kukaricha aviha angu anifyorere.

²Ee Mwenyezi Mlungu, Mlungu wangu nákuririra uniterye, nawe uchiniphoza.

³Ee Mwenyezi Mlungu ukanituluza kula kuzimu ukanihenda nisitserezwe mbirani.

⁴Muimbireni Mwenyezi Mlungu mawira ga kumtogola mwi atakatifue, togolani dzinare takatifu.

⁵Mana tsukizize ni za muda mfupi ela mbazize ni za siku zosi. Chiriro chinaweza chikakala usiku wosi ela ligundzu kukakala na kuhererwa.

⁶Mimi nriphoongokerwa naamba, “Sindakakamiswa ni utu!”

⁷Kpwa sababu ya mbazizo, ee Mwenyezi Mlungu waniimarisha dza mwango mkpwulu, ela uriphonilozera kogo nayugika.

⁸Nákuririra, ee Mwenyezi Mlungu, nakuvoya uniterye.

⁹Náamba, “Kuna fwaida yani mino nchifwa? Kuna fwaida yani mino nchitserera hadi mbirani? Dze, mtsanga undakutogola? Dze, undasemurira kuhusu uaminifuo?

¹⁰Sikira, ee Mwenyezi Mlungu, na unionere mbazi. Ee Mwenyezi Mlungu, niterya!”

¹¹Uwe ukaniusira sonono na ukanihenda nifwihe kpwa kuhererwa, ukanivula nguwo za magunia ukanivwika raha,

¹²ili nikutogole mwangu moyoni na nisinyamale. Ee Mwenyezi Mlungu, Mlungu wangu ndakushukuru hata kare na kare.