Read digo Zaburi 32 Bible Online

Zaburi 32 - digo bible

Zaburi 32

¹Zaburi ya Daudi. Baha aho ambao Mlungu waaswamehe makosa gao ambao dambi zao zauswa.

²Baha mutu ambaye Mwenyezi Mlungu kamuisabira kukala ana dambi, ambaye kana handzo mwakpwe moyoni.

³Wakati sidzangbwekubali makosa gangu kala ni mnyonje kpwa kuula mutsi wosi.

⁴Usiku na mutsi mkpwonoo wanitiya adabu mkpwotse wangu wasira dza madzi gaumavyo wakati wa kazikazi.

⁵Nákubali makosa gangu mberezo wala siyafwitsa uyi wangu. Náamba, “Ndakubali makosa gangu mbere za Mwenyezi Mlungu,” nawe uchiniswamehe dambi zangu.

⁶Kpwa hivyo chila ariye muaminifu naakuvoye wakati unaphahikana, tabu ziunukapho dza mafuriko, tazindamfikira.

⁷Kpwako uwe nina phatu pha kudzifwitsa unanirinda nsiphahe tabu ukanizunguluka na kululu za atu ahamirwao ni kukombolwa kpwangu.

⁸Mlungu anaamba: “Ndakufundza na nikuonyese njira ambayo inafwaha uilunge. Ndakushauri na nkumanyirire.

⁹Phahi usikale dza farasi au nyumbu, ambao taana ufahamu, ambao ni lazima alongozwe kpwa kufungbwa chuma na mkpwowa, bila ya hivyo taandakusengerera.”

¹⁰Atu ayi nkuphaha tabu nyinji, ela anaomkuluphira Mwenyezi Mlungu andazungulukpwa ni mendzwaye isiyosika.

¹¹Hererwani na mshangiliye kpwa sababu ya Mwenyezi Mlungu mwimwi murio na haki, pigani njerejere mwimwi murio na mioyo swafi!