Read digo Zaburi 47 Bible Online

Zaburi 47 - digo bible

Zaburi 47

¹Kpwa chilongozi wa aimbadzi. Zaburi ya atu a chivyazi cha Kora. Pigani makofi mwimwi mosi! Muimbireni Mlungu mawira ga kumtogola kpwa sauti ya dzulu.

²Mana Mwenyezi Mlungu, Ariye Dzulu Kuriko Vyosi anaogofya, iye ni mfalume mkpwulu wa dunia yosi.

³Wahuhenda huturye atu na huturye mataifa ganjina.

⁴Wahutsamburira tsi hino ikale urisi wehu, ambayo atu a chivyazi cha Jakobo amendzwaye ni Mlungu, adziunule.

⁵Mlungu akapanda chihiche cha utawala na kululu za kuhamirwa, Mwenyezi Mlungu akapanda na sauti ya gunda.

⁶Muimbireni Mlungu mawira ga kumtogola, muimbireni sifwa. Muimbireni mfalume wehu mawira ga kumtogola, muimbireni sifwa.

⁷Muimbireni Mlungu mawira ga kumtogola, na iye ndiye mfalume wa dunia yosi.

⁸Mlungu anatawala mataifa, Mlungu asegere dzulu ya chihiche chitakatifu cha endzi.

⁹Atawala a atu a mataifa anakusanyikana kudziunga na atu a Mlungu wa Burahimu. Mana afalume osi duniani ni a Mlungu, iye akaunulwa zaidi.