Read digo Zaburi 52 Bible Online

Zaburi 52 - digo bible

Zaburi 52

¹Kpwa chilongozi wa aimbadzi. Wira wa Daudi arioutunga, wakati Doegi Muedomu ariphophiya kpwa Sauli na kumuambira kukala Daudi akaphiya kpwa Ahimeleki. Kpwa utu wani unadzikarya na mai, we sujaa? Uaminifu wa Mlungu ni wa kare na kare.

²Mutsi wosi unapanga mai lilimiro rikakala dza wembe mkali u mjuzi wa kuchenga!

³Unamendza mai kuriko manono na handzo kuriko kpweli.

⁴Uwe uchengaye unamendza maneno ga kuangamiza atu.

⁵Ela Mlungu andakuangamiza hata kare na kare andakugbwira akutuluze mwako nyumbani andakuusa, usiishi tsona tsi ya ario moyo.

⁶Atu a haki andaona na aogophe chisha andamtseka na aambe,

⁷“Mloleni hiye ambaye kayamuhenda Mlungu chimbirirore, ela waadamira unji wa utajiriwe na achihenda maliye kukala chimbirirore.”

⁸Ela mino ni dza mzaituni ndani ya nyumba ya Mlungu. Ninakuluphira mendzwa ya Mlungu isiyosika hata kare na kare.

⁹Nindakushukuru hata kare na kare mana ukanihendera. Hipho mbere za atuo aaminifu nindatangaza kukala u mnono.