Read digo Zaburi 60 Bible Online

Zaburi 60 - digo bible

Zaburi 60

¹Kpwa chilongozi wa aimbadzi. Kuhumira sauti ya “Ushuhuda wa chilagane (toro).” Wira wa Daudi arioutunga, kpwa kufundzira, bada ya kupigana na Aaramu a Naharaimu na Soba, wakati Joabu ariphouya na kuolaga Aedomu elufu kumi na mbiri, kpwenye Dete ra Munyu. Ee Mlungu, ukahurema na kuhuhenda hushindwe, ukahureyera, ela, galuka uhutiye nguvu tsona.

²Uwe ukaihenda tsi isumbe na ukaiahula, izibe chikoahuka mana inabomoka.

³Ukahenda atuo agaye, hunayumba-yumba dza atu achiolewa uchi wa zabibu.

⁴Uwe ukaaikira ishara ya bendera hinyo akuogophao ili aweze kuhecha mivi.

⁵Niterya kpwa mkpwonoo wa kulume, hutivye, ili atuo uamendzao aweze kutivywa.

⁶Mlungu akagomba kula phatuphe phatakatifu, “Kpwa kuhamirwa ndaganya Shekemu, na nipime Dete ra Sukothi.

⁷Tsi ya Giliadi ni yangu, na tsi ya Manase ni yangu, Efuraimu ni kofiya yangu ya chuma na Juda ni fwimbo yangu ya chifalume.

⁸Moabu ni beseni rangu ra kuogera, Edomu ndaitsuphira chirahu changu, halafu nikote kululu za ushindi chinyume cha Filisti.”

⁹Ni ani ndiyeniphirika mudzi uriozungulusirwa ngome? Ni ani ndiyenilongoza hadi Edomu?

¹⁰We Mlungu, ukahuricha tsetsetse? Uwe kuphiya tsona na majeshi gehu.

¹¹Huterye kuturya aviha ehu, mana msada wa mwanadamu taufwaha chitu.

¹²Kpwa msada wa Mlungu, hundahenda makulu, iye andavyoga-vyoga aviha ehu.