Read digo Zaburi 63 Bible Online

Zaburi 63 - digo bible

Zaburi 63

¹Zaburi ya Daudi arioutunga ariphokala nyika ya Juda. Uwe Mlungu, u Mlungu wangu, nami nakuendza; roho yangu ina chiru nawe. Mwiri wangu unatunu nawe kahi ya tsi kavu isivyokala na madzi.

²Nákuona phatupho phatakatifu, náona vira urivyo na uwezo na utukufu.

³Mana mendzwayo isiyosika ni bora kuriko uzima, kpwa hivyo ndakutogola.

⁴Nindakulika siku zosi za maisha gangu, ndakuunurira mikono yangu nikuvoye.

⁵Roho yangu nkurya na ikamvuniswa, nami nkuimba mawira ga raha kukutogola.

⁶Ninaphodziambalaza phangu litsagani nkukutambukira, usiku wosi nkukuririkana,

⁷mana uwe ndiwe uniteryaye, nami naimba na raha mwako maphani.

⁸Nkagbwirana nawe ngingingi, na mkpwonoo wa kulume wenye nguvu unanirinda.

⁹Aviha analonda kunimarigiza, ela andatserera kuzimu enye.

¹⁰Aho andaolagbwa vihani, na miri yao indakala chakurya cha mabawa.

¹¹Ela Mlungu andahenda mfalume ahererwe. Hinyo aapao kpwa kuhadza dzina ra Mlungu andamtogola, mana atu agombao handzo andasiswa.