Read digo Zaburi 64 Bible Online

Zaburi 64 - digo bible

Zaburi 64

¹Kpwa chilongozi wa aimbadzi. Zaburi ya Daudi. Ee Mlungu, sikira kulalama kpwangu, rinda maisha gangu na vitisho vya adui.

²Nifwitsa na njama za atu ayi, na ujanja wa atu ahendao mai.

³Atu aha ananola ndimi zao dza panga na kutuluza maneno genye sumu dza mivi.

⁴Kuvamia na kulatsa mutu asiye lawama, kumlatsa mutu gafula bila wuoga.

⁵Hinyo nkugbwirana katika nia zao mbii, nkubisha kuhusu vira ndivyofwitsa mihego yao, kuno anaaza, “Ni ani ahuonaye?

⁶Ni ani awezaye kuzembula ugaidi wehu? Hukafikiriya njama ya chisawa-sawa.” Mana moyo wa mutu ni tsaka!

⁷Ela Mlungu andaalatsa na miviye, andatiywa majeraha gafula.

⁸Mlungu andaangamiza kpwa sababu ya maneno gao enye, osi ndioaona andasuka-suka vitswa vyao.

⁹Halafu atu osi andaogopha. Andasemurira vira Mlungu achivyohenda na kuririkana kuhusu mahendoge.

¹⁰Phahi hinyo ario na haki na ahererwe katika Mwenyezi Mlungu, na kumchimbirira. Atu osi ahendao ga haki naamtogole.