Read digo Zaburi 66 Bible Online

Zaburi 66 - digo bible

Zaburi 66

¹Kpwa chilongozi wa aimbadzi. Wira. Zaburi. Mshangiliyeni Mlungu mwi atu mosi duniani.

²Imbani kuhusu utukufu wa dzinare, mlavireni sifwa za kumtogola!

³Muambireni Mlungu, “Mahendogo ni ga ajabu sana! Uwezoo ni mkpwulu chiasi cha kuhenda maaduigo gadzikundze kpwa wuoga.

⁴Atu a dunia yosi anakuabudu anakuimbira sifwa kuimba sifwa za dzinaro.”

⁵Ndzoni mlole gara achigohenda Mlungu, mahendoge kahi za anadamu ganatisha.

⁶Wagaluza bahari ichikala tsi kavu, atu achivuka na magulu gao. Hipho hwahererwa kpwa sababuye.

⁷Anatawala na uwezo hata kare na kare na matsoge ganalola mataifa gosi, hinyo asiosikira naasiime kumpinga.

⁸Mwi atu mtogoleni Mlungu wehu sauti za kumsifu iye nazisikirike.

⁹Ambaye akaniika kahi za ario moyo na karichire magulu gehu gakaereza.

¹⁰Mana uwe, ee Mlungu, ukahupima, uwe ukahujeza dza viratu feza itsukutswavyo na moho.

¹¹Ukahuricha ugbwirwe na chimia, ukahuhenda huphahe tabu.

¹²Ukaruhusu atu ahuvyoge-vyoge, hukatsupa mohoni na madzini, ela sambi ukahureha pharipho na usalama.

¹³Ndakpwedza kpwako nyumbani na sadaka za kuochwa. Nindausa naziri niriyoika,

¹⁴hizo nrizohadza na kauli yangu na nchiahidi wakati phokala ni shidani.

¹⁵Nindakulavira sadaka za kuochwa za nyama arionona, na mosi wa sadaka za maturume. Nindatengeza sadaka ya ndzau na mbuzi.

¹⁶Mwimwi mosi muogophao Mlungu ndzoni mumphundze, nami ndakusemurirani achigonihendera.

¹⁷Námririra na raka ra dzulu, na nchimtogola na kauli yangu.

¹⁸Kalapho kala nkakusudiya mai mwangu moyoni, Mwenyezi Mlungu kangeniphundza.

¹⁹Ela kpwa kpweli Mlungu akanisikira akaphundza mavoyo gangu.

²⁰Mlungu naatogolwe, kpwa sababu kakarema mavoyo gangu wala kuniusira mendzwaye isiyosika.