Read digo Zaburi 7 Bible Online

Zaburi 7 - digo bible

Zaburi 7

¹Wira wa sonono wa Daudi ariomuimbira Mwenyezi Mlungu bada ya kugombwa vii ni Kushi, Mubenjamini. Ee Mwenyezi Mlungu nakuchimbirira unirinde; nitivya na anaonizoresa na unitivye,

²sedze akanimwamula dza simba ahendavyo, na akaniguruta, bila ya mutu kunitivya.

³Ee Mwenyezi Mlungu, Mlungu wangu, ichikala nahenda hivi, yani ichikala mikono yangu yahenda uyi,

⁴ichikala nahendera uyi mutu asiye na dzana nami au naiyira mviha wangu bila sababu,

⁵phahi mviha wangu naanizorese anigbwire, anivyoge-vyoge aniolage, na aniriche pho photsi!

⁶Unuka na tsukizizo ee Mwenyezi Mlungu! Unuka chinyume cha usiru wa maadui gangu. Lamuka, ee Mlungu wangu, mana walagiza haki ihendeke.

⁷Mataifa nágakusanyike kukuzunguluka, nawe ugatawale kula kuko mlunguni.

⁸Mwenyezi Mlungu, amula mataifa! Niamula kulengana na haki yangu na ukamilifu wangu.

⁹Ee Mlungu wa haki, umanyaye siri za mioyo, na maazo ga atu, komesa fujo ra atu ayi na uimarishe enye haki.

¹⁰Mlungu ndiye ngao yangu, ndiye ativyaye atu ario aaminifu mwao mioyoni.

¹¹Mlungu ni muamuli wa haki; iye nkutsukirirwa atu ayi chila siku.

¹²Ichikala mutu katubu, Mlungu andanola upangawe, andaphinda uhawe tayari kuuhumira.

¹³Akatayarisha silahaze kali na miviye iriyo na vigumba viakavyo moho.

¹⁴Phundza! Mutu mui nkugbwira mimba ya uyi, nkutsukula mimba ya kubananga, na kuvyala handzo.

¹⁵Nkutsimba dibwa ra ndani sana, chisha akagbwa mumo ye mwenye.

¹⁶Mipangoye ya kubananga ayae nkumuuyira mwenye, nkupanga fujo rikamuuyira ye mwenye.

¹⁷Nindamshukuru Mwenyezi Mlungu kpwa sababu ni wa haki. Nindamuimbira Mwenyezi Mlungu Ariye Dzulu Kuriko Vyosi, mawira ga mkutogola.