Read digo Zaburi 75 Bible Online

Zaburi 75 - digo bible

Zaburi 75

¹Kpwa chilongozi wa aimbadzi. Kuhumira sauti ya “Usibanange.” Zaburi ya Asafu. Wira. Hunakushukuru, ee Mlungu, hunakushukuru, kpwa kukala dzinaro ri phephi, na kusemurira kuhusu mahendogo makulu.

²Mlungu anaamba: “Nkaika wakati malumu! Wakati uho nindaamula kpwa haki.

³Tsi ichisumba na vyosi virivyo himo, mimi ndimi ninayedinisa nguzoze.

⁴Nakuambirani mwimwi munaodzikarya, ‘Msidzikarye,’ nao ario ayi ninaamba, ‘Msidzikutule!

⁵Msidzikutule wala kugomba maneno ga ngulu.’ ”

⁶Mana kuunulwa kpwa mutu takula mlairo wa dzuwa hebu mtswerero wa dzuwa wala weruni.

⁷Ela Mlungu ndiye aamulaye. Nkumtsereza mmwenga na akaunula wanjina.

⁸Mwenyezi Mlungu akagbwira chikombe mkpwononi chi tele uchi mufu ufurikao fulo, uchiotsanganywa na vilungo, ambao ni tsukizi za Mlungu andaamwagira atu ayi na osi andaunwa, ee, andaunwa hadi tone ra mwisho.

⁹Ela mino nindahererwa hata kare na kare, nindamuimbira Mlungu wa Jakobo mawira ga kumtogola.

¹⁰Andavundza nguvu zosi za atu ayi, ela enye haki andaenjerezwa nguvu na akale imara.