Read digo Zaburi 76 Bible Online

Zaburi 76 - digo bible

Zaburi 76

¹Kpwa chilongozi wa aimbadzi. Kpwa kuhumira vifwaya vya nyugbwe. Zaburi ya Asafu. Wira. Mlungu anamanyikana Juda. Dzinare ni kulu ko Iziraeli.

²Makaloge ga hiko Salemu,[14] Sayuni anakosagala.

³Hiko wavundza mivi, ngao, panga na silaha za viha.

⁴Uwe unangʼala sana na u mkpwulu kuriko myango yokalapho hangu kare.

⁵Asikari masujaa akafutwa vitu vyao vyohala zewe, vino arere na kogo, taphana hata mmwenga wa nyo masujaa a viha, ariyeweza kuunula mkpwono.

⁶Ee Mlungu wa Jakobo, uriphoademurira, farasi na hiye anayepanda farasi osi adangana.

⁷Ela uwe, unaogophewa! Ni ani awezaye kuima mberezo kano tu utsukirwapho?

⁸Uwe walavya uamuli kula mlunguni dunia ichiogopha na ichikala gbwi,

⁹wakati Mlungu ariphounuka kuamula ili kuativya osi aonerwao duniani.

¹⁰Hakika tsukizizo chinyume cha anadamu zindahenda ulikpwe, na ndiosazwa ni tsi zizo andakuabudu wakati wa sikukuuzo.

¹¹Ika hatiyo kpwa Mwenyezi Mlungu, Mlunguo na uitimize, chila ariye phephi naamrehere zawadi iye ambaye ni wa kuogophewa.

¹²Iye nkusisa maisha ga atu ario na uwezo, iye anatishira afalume a dunia.