Read digo Zaburi 82 Bible Online

Zaburi 82 - digo bible

Zaburi 82

¹Zaburi ya Asafu. Mlungu akahala nafwasiye kahi za mkpwutano hiko mlunguni, analavya uamuli kahi-kahi ya milungu.

²Mundaenderera kuamula phasipho na haki na kupendelea atu ayi hadi rini?

³Ahendereni haki anyonje na anachiya, timizani haki ya asiodziweza na achiya.

⁴Ativyeni anyonje na agayi, akomboleni kula mikononi mwa atu ayi.

⁵“Taamanya na taaelewa, ananyendeka jizani misingi yosi ya dunia ikasumbiswa.”

⁶Náamba, “Mwimwi mu milungu, mosi mu ana a Iye Ariye Dzulu Kuriko Vyosi.

⁷Ela phahi mundafwa dza anadamu a kawaida, mundagbwa dza mkpwulu yeyesi.”

⁸Unuka, ee Mlungu, uamule dunia, mana mataifa ganjina gosi ni gako.