Read digo Zaburi 97 Bible Online

Zaburi 97 - digo bible

Zaburi 97

¹Mwenyezi Mlungu anatawala, dunia naihererwe tsi za pwani nazikale na raha.

²Maingu na chilungulungu cha jiza chikamzunguluka Msingi wa utawalawe ni haki na uamuli wa haki.

³Moho nkumtanguliya na kuocha avihae pande zosi.

⁴Limeme rilaro kpwakpwe nkungʼaza dunia, arizi nkuwoona ikasumba.

⁵Myango nkutsatsamuka dza mshumaa mbere za Mwenyezi Mlungu, mbere za Mwenyezi Mlungu wa dunia yosi.

⁶Mlunguni kunatangaza hakiye, na mataifa gosi ganaona ngumaye.

⁷Osi anaoabudu vizuka naatiywe waibu, hinyo anaodzikarya kpwa sababu ya vizuka visivyo mana. Muabuduni mwi milungu mosi.

⁸Atu a Sayuni anasikira na kuhererwa, atu a midzi ya Juda anapiga njerejere kpwa sababu ya uamulio, ee Mwenyezi Mlungu.

⁹Mana uwe, ee Mwenyezi Mlungu, Uriye Dzulu Kuriko dunia yosi, uwe ukutogolwa zaidi ya milungu yosi.

¹⁰Ammendzao Mwenyezi Mlungu naazire mai, iye nkurinda maisha ga atakatifue, na kuaokola kula mikononi mwa atu ayi.

¹¹Mwanga nkuangʼarira mutu wa haki, na raha nkumungʼarira mwenye moyo uriotsuka.

¹²Hererwa katika Mwenyezi Mlungu mwi a haki, na mtogole dzinare takatifu.